如果有份工請我, 我唔去做會點?

1.如果有份工話左請我, 之後我話唔去做會點?

我唔知你見嘅係咩工,係咩行業,好難去解答你...
如果你未返工呢份工嘅話,
我建議你最好都打一打電話去同人哋講聲,
假設空缺只有一個,但人哋留咗俾你咁點算?
即使係大量請人,都好應該同人講返聲,
呢D係做人應有嘅交帶

2.咁考慮緊請我, 我話唔做又會點?

你又知佢考慮緊請你?如果係因為見工時,
佢話:我哋會考慮,你等電話啦!
十個有九個都唔請考慮緊...可以唔洗理會,
到佢真係打俾你果陣先算啦!
如果你真係唔做咪話有工返緊囉!
問題唔大^^

3.Blacklist?有無咁嚴重?
如果同一個行業,唔同公司
照常理,係唔會Blacklist,如果咁易Blacklist
咁D人唔洗轉公司啦!

4.一定會入?
你係咪想問Blacklist問題?

5.我可以講d咩話唔做?
同佢講已經返緊工,加多句唔好意思
其實唔做係好平常嘅事
唔洗太介懷

6.事實上我使唔使打去交代返?
係問題1度已經答咗你

希望我嘅回答可以幫你減輕煩惱^^

我就話不如2份都唔好做啦
你2份工都想做.....右決定唔到..倒不如唔好做
去做份你一定唔會後門ga工
但係你如果等錢用....咁你就最好做你個份like ga 工啦

如果有份工請我, 我唔去做會點?
如果有份工話左請我, 之後我話唔去做會點?
咁考慮緊請我, 我話唔做又會點?

通知他OK

你話有份工請左你就 ok 架 la，佢唔會將你 blacklist 左，人人都有 choose 的權利。

其實一間公司請人 佢最多會放申請人既資料3個月咋 3個月會銷毀(你又未去做)

你話你而家返緊工
或家中有事所以唔做得呢份工
佢唔會black list你架
因為我都試過咁做

首先一個有責任既人一定會做回覆, 無論份工是否滿意,只要依著這個中指就唔需要有咁多無奈固慮.

你同佢地講返你已經返緊工就ok.
冇問題.

如果仍然擔心, 可以寫封信過去先多謝佢既offer, 然後簡單交代原因.
咁佢會覺得你好有誠意, 好有交帶, 對你既印象會加深, 之後再入去做既機會亦提高.

你唔去係乜野都唔會發生架
因為你只係將會係個間公司既其中一個員工(小)
佢唔會為左你而唱衰你或者blacklist你既

唔需要交代任何野既 你唔出現佢都知咩事

聽你咁問，應該係未出黎做過野…

如果有份工話左請我, 之後我話唔去做會點?
答：你唔做佢咪搵過第個，佢唔會冇左你唔得

咁考慮緊請我, 我話唔做又會點?
答：話考慮緊極有可能係唔用你，只係唔想hurt你先話考慮，通常叫你返屋企等消息。

會唔會入black list?
答：梗係唔會啦，你又唔係打工果陣刑事毀壞！

一定會入?
答：答左你啦

我可以講d咩話唔做?
答：你可以話有其他公司請左你


事實上我使唔使打去交代返?
答：佢唔搵你你搵人做乜，人事部好忙嫁


其實我真係好like 份工呢個行業...但因為某d原因唔做得
答：咁神秘？唔講得咩？


好想第日o係呢行發展....所以唔想佢入black list
我可以點做呀? ><
答：唔答啦，好煩！