黑摩利可否與孔雀魚同缸?

我唔建議。
生活環境方面，其實兩種魚都一樣。孔雀魚比較多人知佢要偏醶硬水，唔適合水草泥底缸，但黑摩利以人人都當正水草缸魚咁養，誰不知佢地亦係要偏醶硬水。溫度方面，兩種都係熱帶魚，所以只要廿六度左右都ｏｋ。
我之所以話唔建議，係因為：
１．黑摩利放入水草缸，唔計魚販將佢地同燈魚放埋一堆咁賣，好大程度係因為佢地會食水面油膜，效率仲好高。呢個特性自係因為佢地經常o係近上層水域出沒。孔雀亦都係一樣，碰頭多，爭地盤情況亦會多啦。以我個缸為例，一條黑摩利公約５ｃｍ長，其實冇乜野攻擊性，但係有時都會啄下游近o既白雲山（金絲燈），兩種魚都係上層魚。
２．黑摩利體型大，孔雀你知啦，仲要條尾大大片又唔靈活。白雲山係燈魚，游得好快，轉個身已經走左，黑摩利亦唔追。但孔雀．．．
３．黑摩利同孔雀，同屬花鱂科，身體形態近似。相信要攻擊，黑摩利會揀孔雀多於上層燈魚。
４．黑摩利同孔雀一樣，都會啄下缸中o既藻類為食。同係上層，仲要同一食糧，爭執機會更多！
我唔係話黑摩利必定打孔雀，但以上四個方面分析都有攻擊可能。啄下唔會死o既，但咬爛尾你都唔想啦，何況尾係孔雀最大觀賞價值o既部份！
樓上話同缸紅蓮燈日日死，但大量繁殖o既紅蓮燈本來體質弱，而死魚原因可以好多。雜食性o既黑摩利見到死魚，啄亦好自然。而成條魚肉地最薄o既部份就係肚，穿左後腸好易被扯出食埋，唔可以入黑摩利數。簡單講：又唔見我ｄ新燈有事？

孔雀魚
性格溫和
黑摩利唔太知,
不過只要體型唔相差太遠既話.
好多魚都可以混養埋一齊~

不過可唔可以混養
都要睇睇兩種魚對水溫、水既ph值的需求近唔近似啦~

好似孔雀咁
水溫: 22-26度
ph值: 6.5-7.5左右
黑摩利就未太清楚,
不過水溫都唔太重要,
因為依家都已經夏天,
所以只要水溫唔太高就得~

而冬天可能要加返支暖管,
將水溫提升到22至26度左右
而ph值就取中間7.0啦
咁可能要買d野去將水既ph值提升返
例如珊瑚骨等等啦~

蝦唔蝦佢,
我唔敢講,
因為魚唔係條條既性格都一樣,
有時可能會因為食物問題而追黎追去啦,
不過咬人地就應該好少~
所以可以混養埋一齊既
只要多d留意住佢地既行為就得

我之前買左一堆紅蓮燈同埋黑摩利

本來以為黑摩利可以同紅蓮燈共處

但係跟住落左入去每日就死一條紅蓮燈

個肚都係爛左

我既意見係

可以放埋一齊

不過孔雀魚要多過黑摩利

同埋要準時喂野食

黑摩利一肚餓就會食其他魚