大家會點處理剛出世貓仔的厠所問題?

唔使擔心...當貓BB出世後，貓媽媽自然會幫牠們清潔，貓媽媽會用舌頭幫貓B清潔毛髮，也會用舌頭LAM走貓B的大小便，由於貓B咁細隻，牠們的便便是很細小的。
貓媽生完B後，你最好幫佢換一個新紙皮箱給牠，因為生完貓B會有很多血的. 你可以趁貓媽生完B後，貓媽會走出去食下野飲下水，去下廁所既時間，幫佢準備換返一個乾淨的箱給貓媽&貓B住。
唔係唔比你接觸，只係唔好接觸貓B太密，因為貓媽會對貓B既叫聲特別敏感，怕其他人會傷害牠們，以令牠再找尋其他地方收藏貓B.
如果可以的話，最好將貓B住在籠中，在籠內舖上紙皮箱及毛巾或報紙碎，貓BB會感覺舒服及暖和。
貓媽...多數都會忍到你放佢出來先會去大小便的，或者你也可以讓牠自由出入，那方便貓媽去廁所也可以方便照顧貓B.
我自己都曾經接生我家妹妹三次胎B，如有問題可以再問我的.

係咪會係紙皮箱度如厠架?===>> 你可以幫佢地去尿尿, 那就不會發臭了. 不過你仍要預備一定數量的毛巾, 以便替換.

其實, 好多貓媽媽都未必識去照顧貓bb, 以前我是幫bb早晚尿尿的, 方法是, 用暖水弄濕綿花球, 輕力刺激尿尿地方, 他們會自然尿尿, 其實量是很少的, 用tissue都可以幫手吸乾.

再大一點, 他們識走來走去時, 要將他們放入另一個大的籠, 媽媽可以放在一起, 記住放個小的貓砂盤, bb會學媽媽使用, 不用擔心, 且bb到約3個星期前, 根本沒吃固體食物, 是沒有便便的...........(不過那時因貓bb長大, 籠的size又唔係太大, 加埋貓媽媽, 好迫, d 砂又走來走去, 建議用4尺籠+豆腐砂, 清潔比較容易.)

到他們有便便時, 他們已識點用貓砂盤了............

根據貓的本能行為，貓媽媽會在產下小貓後的頭一個月內搬三，四次屋，當然你係唔可以用人手幫貓貓進行遷徙，但你可以在牠們的【舊居】附近放置一間已舖設新床舖的紙皮新屋．貓媽媽會去視察新屋的情況，或會在內留上數個鐘頭或以上，以觀察是否安全下才在你不為意下幫貓貓搬屋的．整個過程無須人手參與。（當貓貓一家遷出舊居以後，你才可以把舊屋棄掉）

在頭一個月前的貓貓，貓貓媽媽會幫初生小貓清潔便便的，牠們會用舌去幫助ＢＢ排便，這種行為值至貓ＢＢ會自行排便後才告停止，一般若三個星期度，去到四星期後，貓ＢＢ亦會自行排便時，此時貓媽媽會用舌去舐小貓的肚子，這種動作可起按摩效用，使貓貓ｂｂ唔會容易出現便泌的情況出現。

貓貓天性是有潔癖的，平日睡覺的時方耐了有陣異味，牠們亦會自行遷出，更可況是育有初生小貓的貓貓媽咪的揀擇，所以你只需要大約每隔十日左右，幫貓貓設計新房子便行了，而放置新房子的地方亦要較為隱藏為佳，因此；我認為你是無須為貓貓ｂｂ會否弄污貓屋而費心的．只要一切按照貓貓天性行為模式行事便可以了。

記住：房子的門口設計，勿開得太低，以免貓貓ｂｂ容易滾出。

至於貓貓生小貓的安排須知，我亦曾經作答，但因不想重ｐｏｓｔ答案，故請你移到以下網址觀看
http://hk.knowledge.yahoo.com/question/question?qid=7008032001368

貓b 出世有貓媽照顧幫佢舐patpat 放屎放尿, 貓媽會食左佢d 屎尿唔會有臭味喎.....