我個隻係??倉鼠

樓上網友講既野唔太同意,且問題較嚴重,希望網友唔好介意及可以留意一下:
1)千祈唔好有味既沖涼粉(木糠都係),因為咁係好易令鼠鼠過敏,就算而家用緊冇事,最好都係避免一下,鼠鼠過敏嚴重係會致命
2)沖涼粉唔好放入籠,唔係鼠鼠就會成日入去沖涼,成日沖涼反而會令鼠鼠抵抗力下降
3)唔好由得鼠鼠咬籠,好易會令鼠鼠鼻,下巴損既,詳細教鼠鼠唔好咬籠既方法可參考以下我回答既知識:
http://hk.knowledge.yahoo.com/question?qid=7008031802551

A.去左你既blog度睇,你養既係倉鼠,小露寶,唔知養左幾耐呢?小露寶較細膽,一定要花多d耐性同佢相處,而且跑得好快,小心唔好走鼠呢

B.鼠鼠可以用沖涼粉,沙多數係指廁所沙既,粉較幼細,先可以入到鼠鼠皮膚度幫鼠鼠清潔身體,每星期沖一天,最多太熱既時候最多兩次
沖涼既方法同留意既事可參考以下我回答既知識:
http://hk.knowledge.yahoo.com/question?qid=7008021604136

C.平日養鼠要留意既事:
1)每日換水,並檢查水樽係咪真係出到水同會唔會漏水
2)食物要有足夠既份量,多d都唔緊要,鼠鼠係知飽既.最好放多d,多d食物先令鼠鼠有安全感,一般乾糧可以耐d先換
3)糧食方面只要俾鼠混合糧同草就可以了,好多人既食物都係唔適合鼠鼠既,甚至蔬果我都覺得唔好,原因可參考以下我回答既知識:http://hk.knowledge.yahoo.com/question/?qid=7008010505053
4)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼
5)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)
6)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.
7)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.
8)鼠鼠好叻走佬,留意有冇咩位鼠鼠會走到
9)鼠鼠怕凍,更怕熱,凍同熱都要為鼠鼠保暖or解暑
10)好緊要既係,平日多d留意鼠鼠既身體同排泄物,有咩異常就可能係有病
11)鼠鼠既牙係不斷生長,所以要有野俾鼠鼠磨牙,唔磨牙既話,d牙會插穿鼠鼠,令鼠鼠死亡,如果你隻鼠唔咬磨牙石,就可以買一d木制玩具俾佢咬(磨埋爪都得),又或可以試下鹽磚
12)除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩
13)鼠鼠買返唻既初時,頭兩日唔好打擾佢,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

2008-06-09 08:31:32 補充：
謝謝你既誇獎,不便公開EMAIL,十分抱歉!
歡迎延長發問補充,又或再發問,每天我都會睇返一次已回答既問題既^^

2008-06-09 08:33:25 補充：
而鼠鼠在鼠店買返唻,一般都可當一個月大左右,如果唔係買左好耐,就要留意要小心唔好過急同鼠鼠玩呢