關於映灣園住ｏ既問題

東涌四寶裡面,就只有映灣園可以養狗.( 大廈公契寫明:如引起兩戶或以上投訴,住戶不得飼養動物 )即係可以名正言順養狗,放心啦.

會所真係好大,基本設施,例如多功能球場,室內外泳池,保齡球場,SPA....等等,都應有盡有,唔錯.

不過,間隔麻麻,實用率唔算高,得74-77%左右( 扣除窗台及露台計 ),而且好多單位廁所都無窗,唔係個個人都接受.

景觀都有好大問題,後面望山幾好,但前面向海單位,有一幅比映灣更大的住宅地,未來海景一定俾佢擋o左大半,你要有心裡準備.

交通方面,好多人都話映灣要轉多一程車,唔方便.我個人反而覺得問題唔大,因為屋苑村巴開得幾密,通常三幾分鐘就有一班,唔錯!起碼買完野唔駛行返屋企.反而好似藍天海岸或海堤灣畔,若果由MTR穿過東薈城行返屋企,前後要行起碼十分八分鐘,都幾辛苦...

生活配套方面,樓下有個細商場,基本舖頭如百佳,7-11,餐廳,醫務所...等等都有,都算OK.

成交方面,由於映灣規模最大,但呎價最平,租and買賣都係東涌之冠,二手市場唔駛太擔心.

以上係我個人少少意見,希望幫到你啦.

my [email protected]

我有朋友係果度住, 我成日都去佢屋企, 果度可以養小動物架!!(因為我朋友都係有兩隻Dog)

果度地方唔錯, 有Shuttle bus來往MTR station, Club House又好大,好靚, 有游泳池, 桌球,Bowling, 琴房, 麻雀房, 閱讀室, GYM

保安都非常完善, 出入既私家車都要登記, 如你搬屋要通知保安部, 佢地會鎖定一部LIFT比你搬野用,又可以借佢車仔, 真係好好!!

如果你返工既地方係中環附近, 都唔錯架!!