備人拒絕以後點樣面對對方？

你宜家做咩佢都會覺得你有企圖,所以你咩都唔好做,等件事丟淡d先~而且,我覺得佢都做到咁,你唔須要再同佢做朋友...佢咁做有2個可能性~
1~佢可能唔想俾個假0既希望你,等你覺得自己仲有機會,所以唔再睬你,佢覺得咁對你好d!!!
2~佢好細路仔,覺得避得就避...唔好攪到佢!
如果佢真係咁...呢d朋友唔駛恨啦~再講做咩朋友0者,我唔覺得你0地如果一直做朋友,你睇住佢拍拖,聽佢同佢女友d開心嘢,你會開心囉...如果知道佢同女朋友開心,你又會唔開心,佢同女朋友唔開心,你又會諗自己仲有機會...何必呢?我唔會相信呢個世界真係會有人去祝福自己愛,但人0地唔愛你0既人...而且你覺得你唔去計較,只係想做朋友,但,人0地未必會咁諗!唔係人人都會大方同成熟,可以處理呢d問題~所以你都係唔好搵佢啦,返工見到咪笑一笑囉,你愈搵佢,佢愈覺得你有嘢就愈唔睬你架啦~

時間可以沖淡事情''等下喇'''

可能佢唔知點面對你, 話晒以前都係好好朋友, 但當發覺你唔止當佢係朋友, 佢都唔識點對你, 可能佢驚同你做翻朋友, 你會放唔到手, 所以先對你咁冷淡, 有d男仔就係咁自以為是

不如等件事丟淡左, 再同佢做翻朋友啦

如果以前真係好好好朋友，點解會唔啋你呢？係因小事定大事呢？無論係大事定小事，都可以約佢出嚟大家講清楚，如果真係你唔啱咪同佢道歉囉！何必逃避你呢？佢唔接受你道歉又或者佢認為唔可以原諒你，你咪當大家緣盡囉!!!!!
總之你一日唔同佢講清楚，個心唔安樂就要鼓起勇氣，問清楚咁就心服口服嘞!!!!做朋友有今生無來世，問清楚之後係小小嘢都嬲到震，唔想再做朋友咪算囉，肯定佢個心對你有條剌格啦，所以唔想再啋你，人地一心要拒絕你，你又何必強人所難呀~~~做乜嘢都係隨緣啦，到時佢諗清楚，覺得自己嬲你嬲得過份咗咪調番轉你原諒佢囉!!!應該點做？平時見到面時對佢微笑就得喇，唔洗學佢咁小器嘅，佢冷淡你保持笑容，睇佢嬲得幾耐啦~~~~~
圖片參考：http://tw.yimg.com/i/tw/ugc/rte/smiley_33.gif

俾 d 時間對方冷靜一下, 可能佢都唔知應該點再同你相處, 怕會尷尬。
做番自己, 忌急進, 以免對方越避越遠。