太陽油可唔可以防曬黑

太陽油係防曬用品，當然可以防曬黑，只係有o的人想黑，但係又唔想曬傷，就會用一o的spf度數好低o既太陽油，好似spf2。如果係戶外想防曬黑，就必須用spf30以上o既太陽油，最好用到spf50，而且需要每隔一段時間再補搽先有效。
市面上有o的太陽油係防水，搽左呢種太陽油就唔怕落水。而且游水o既時間要避免上午10時至下午2時呢段時間，因為呢段時間太陽最猛，曬傷同曬黑o既機會會大大提高。有o的人成日游水都唔黑，可能就係因為選o岩時間。
太陽油係唔適宜用係面上，面部最好選用面部防曬用品，耳仔可以用面部防曬搽埋，不過咀就唔適宜喇。如果唔想個咀曬黑，可以用有防曬功能o既潤唇膏，有o的潤唇膏寫明有spf xx，就代表有防曬功能喇。

2008-06-09 00:25:45 補充：
係咁我點樣可以知道邊支太陽油可以防水?
通常係太陽油上，都會有寫防水、防汗等字眼。
照你咁講, 如果係10:00a.m.-2:00p.m.游水即使搽左太陽油都會曬傷&曬黑?
我只係話係呢段時間游水，曬傷同曬黑o既機會會大大提高。只要你經常補搽防曬，而且每次搽o既時候，份量要足夠，就可以避免曬傷同曬黑。份量足夠o既意思係︰eg. 每次搽面，就要用到2個5蚊銀o既份量。
仲有邊到可以買到防曬既面霜同潤唇膏?
差不多所有化妝品牌子都有出防曬面霜，要搵一o的都唔難。至於潤唇膏，平平地，曼秀雷敦出o既潤唇膏，好多都有防曬功能，你可以去各大藥房或莎莎等化妝品公司購買。