債務問題card數

所謂卡數一筆清，其實都唔係乜野特別平利息！平就平一點，間間都唔同，甚麼安信，大眾，2財務都係搵笨！卡數既息係年息約30%, 果D咁既財務, 咪可能15%-20%, 似乎好好多, 其實都唔夠銀行私人貸款平架!
就現時既利率黎講, 其實係可以平至7%-8%都會有, 但一般可能做緊10% 左右!
你諗下, 銀行水多到爆, 比起財務食水深D既當然平D!
你既情況, 最快清當然係破產啦! 又唔使比貴手續費! 不過你係依度問得, 相信你都唔想咁做!
用債務重組, 其實都係由專業人士同你計掂佢, 手續費一D都唔平, 郁下都可能成萬!
我建議你其實最迫切係清左卡數先, 因為實在太高息, 依個係好重既負擔! 可以既話再問銀行要一個長年期又大額D既私貸清左佢! 同一間佢就一定唔俾你啦, 你當佢傻咩, 佢點會同你諗辦法減少自己收入!當然要問另一間!
我過往借到最平又年期長既係大新! 我信貸記錄好, 佢差唔多必批, 到我差唔多還晒又叫我再借添!
係唔影響你現有生活既情況下, 你最好貸款暫時繼續供, 供到完為止, 咁你日後信貸記錄會好好多! 信用卡就轉去其他銀行用私貸還左佢, 唔得就結餘轉戶! 多數批, 一句講晒, 盡可能減低利息開支!
最後都係建議你, 簽少D卡, 如果控制唔到真係要CUT晒佢! 以免夜長夢多!