在百老匯買分體冷氣連安裝

所有電器零售商售出的冷氣機都是全部外判的，做得好唔好就要睇接柯打個師傅有冇料有冇心機同你做，有時都好講碰運氣，佢地算每張柯打計，多勞多得，如果天熱柯打多就快手快脚，好多時都掛一漏萬，况且是季節性行業，手尾都要等有空檔才去做。你可以揾附近相熟的冷氣工程公司，或老友介紹，有口啤的就當然靠得住，公司大細冇セ分別，最緊要負責任和售後所提供的服務才重要，希望幫到你，祝：生活如意！

2008-06-07 21:06:01 補充：
你補充的在此作答：判頭接到公司柯打上門睇位，理應按現場的安裝環境確實的報返公司，公司會按有關工程向顧客收費，其工序有單據列明安裝工程的資料，日後在保用期內如安裝出現問題你都得到應得的保障。有關員工拆開部份工序向你私下收取費用是不當的，行內語叫（食咖喱），若佢做那部份出問題你點揾佢？向公司投訴因冇工程紀錄是不受保養的，判頭同公司的拆賬是双方認同的，不要為慳那叁幾百元去冒險！這是我個人意見，你自已考慮清楚才决定。

百老匯D師傅咪即是出面的師傅，我都有買過冷氣，都係
佢地裝，我覺得唔錯，連送貨費都慳埋！