家庭問題..關於mother

如果你媽媽真的是精神有問題, o甘佢做出所有事情都有得解釋, 只因有病.
既然你覺得媽媽精神有問題, 又話要殺死你, 程度都有少少恐佈, 為免發生意外及無謂估估下, 快D揾人同佢見下精神科醫生, 確認一下la, 始終病向淺中醫, 對症下藥方為上策, 知冇???
你可以同學校社工傾下你媽媽的問題, 始終佢係專業人仕, 實有方法幫到你, 你講咗出嚟都舒服D丫, 到時你咪可以專心D讀書囉.
其實日日打牌炒股一定唔會窮得去邊, 冇錢又點做呢D野呀?? 我有炒股, 仲要係好貼市果隻, 真係少D精神都唔掂, 有時跌得勁, 都真係會影響到情緒架, 所以我只會用閒錢來炒, 就算蝕晒, 都唔會影響到日常生活.
如果你媽媽打牌上落大, 同股票/股市賭身家的話, 而又影響到你o地雙方感情同生活, 就要勸下佢回頭是岸嘞.
本人業主果老婆同你媽媽case差不多, 不同之處是他們上個月才離婚, 佢性格多疑、佢老公返遅半個鐘就話佢包二奶, 嘈到成條村都知, 睇錢好重要 (又有打牌炒股, 唔知係咪蝕左好多), 加加埋埋就有精神病了, 佢無病發時, 正常人一個, 但舊年年頭, 佢攞把刀話要殺死個仔, 業主迫於無奈下送左佢入醫院, 一個月後佢出院就要求離婚, 初時業主冇應承, 之後唔留飯俾業主食, 半夜三更開大電視機, Hi-Fi, 到業主公司大吵大鬧, 三個月後, 業主頂唔順, 終於應承同佢離婚, 結束地獄生活. 佢舊年大部份時間都o係醫院過, 到今時今日仲食緊藥, 上個月簽字離婚前都住左1個月, 話驚業主分少身家俾佢, 訓唔到覺o咼!!

看完樓上的回應, 先知依家仲有 D 咁既真實個案. 一個人無明起上黎, ---無明即是佛家所講, 冇知道原因咁解, ----, 真係唔知自己的行為係咁的. 即是話樓主的阿媽好可能唔知自己的行為係咁差.

不過佢日日咁威迫人, 威迫一個未能自立的人, 好唔掂.

好唔好你記錄低佢對你的所有不良行為, 要巨細無違. 如果有甚麼事, 例如 報警求肋, 或求助任何政俯部門, 都有根有據, 辦理都快 D.

因為其他人感受唔到佢究竟對你的威迫有幾大, 幾真實, 因為話實都係阿媽, 鐘意嚇 D 仔女, 唔係黎真的.

但只有你才知佢幾時真, 幾時假. 咁你好好留意, 保護自己.