~~~ (10點) 我係戀愛初哥嚟... 唔該多啲人回應下喇... 好迷網吖！！~~~

我係女仔, 同一個男網友識咗五個多月, 一直都以MSN聯絡, 覺得幾好傾.. 所以差不多日日都講.. 不過多數都係佢搵我先... 佢鍾意講自己嘅野俾我知.. 我就唔會太主動講喇.. 有時都講到冇野講.. 佢就話仲唔瞓.. 今日好凍吖.. 我都覺得幾無聊... 不過都傾咗咁耐... 都唔好意思唔理佢喇！

最近我哋仲去咗兩次街.. 再比以前更加熟絡... 佢搵多咗我.. 佢會傳埋自己同屋企人嘅相俾我.. 同埋講啲家事和工作俾我知.. 我都會樂意同佢傾下... 但有時講起笑來佢又好鍾意窒我... 真係俾佢激死......... 去街好似唔願走咁.. 好好笑..........

我覺得佢似乎有啲鍾意我... 但同佢第一次去街我哋都係AA制.. 佢係電腦上幫過我一啲野.. 但要我請番佢食飯... 又似唔係... 還有, 佢會打電話俾我呻下啲不快事同埋啲無聊野咁... 我見工去到佢公司附近.. 佢話約我食晏.. 但最後我太遲佢自己食咗先.. 但佢都話下來陪咗我半個鐘... 早兩天.. 我們再去街... 他不時會摸我的頭髮.. 去行啲有毛公仔嘅店舖又喜歡用啲公仔打下我咁.. 好似大細佬咁..... 有時講啲好切身的問題... (我敏感吖..成身紅哂.. 好痕...) 我真係好疑惑... 究竟佢個心意係點樣呢?????????????

仲有樣搞笑野.. 佢俾咗個電腦用的手枕給我.. 但佢唔係買俾我.. 只係佢放咗係屋企冇用到仲有少少塵的.. 送野俾人咁俾法嘅.. 佢係咩意思啫????????????????? 有次佢係網度見到張免費食雪糕的coupon.. 佢問我食唔食.. 我話都冇printer.. 咁佢就話print多幾張... 過幾日.. 竟然佢打俾我話放工攞上來俾我(同區返工).. 我真係覺得佢好傻氣囉！！

佢同我講過因為要供樓同埋養家.. 所以都好慳.. 經過啲玩具店睇到個機械人話好靚.. 但最後都忍手唔買.. 其實只係百幾蚊... 但佢又肯幾百蚊請我食晚飯喎... 我想轉過間上網服務.. 問佢果間好唔好.. 佢就話打俾我傾下... 有次打來同我講旅行經.. 一講就兩個鐘喇... 佢仲想撩我去旅行.. 當然唔係今年.. 明年喎... 我咪答佢我只會同男友去囉... 其實佢係咪試緊我呢.. 講真如果我係冇意思嘅都唔會肯聽佢講咁耐喇... 噚晚.. 佢約我出街食飯.. 係埋單時因為個侍應向住我.. 所以我找數先.. 佢好鍾意叫我請佢食野.. 所以又唔想俾番我.. 拉拉扯扯咁... 到後來佢先俾番八成我.. 我覺得佢唔係存心呃我錢.. 但係佢點解要咁樣呢??????????????? 到而家佢都唔同我表態.. 但依然日日MSN搵我... 佢係咩心態呢?????????????????????

講真.. 我都開始鍾意佢.. 但我覺得我隱藏會比較好啲.. 似終女仔嗎... 係咪我咩都唔做.. 等佢表態呢????????????????????

(佢已33歲) 男仔會對一個網友或者無意思的女仔做咁多野嗎還是佢係另有企圖.. 佢啲行為似唔似網上騙子?????????????還是佢只係當我一個傾得來的朋友呢???????????????

佢從來都唔會講甜言蜜語來氹我.. 有時仲會話我.. 所以我相信佢... 你哋覺得佢可唔可信呢????????????????

可否幫我分析一下... 可以的話希望能詳細一點.. 多謝回答!!!!!!!!!!!!!!!