請問有無人知九龍及大陸那裡有 ”印有花紋”的雨傘布料?

如果係要淨色既 70D/190T 尼龍傘料, 深水步一定會有.
但如果要印花既就好難講, 因為深水步多數賣d 大路貨, 佢地唔會自己走去印一d 特別既花紋, 因為如果冇人買佢地要蝕起碌既費用 (overall printing 既時候每隻絲印顏色都要起一支碌, 如果你個花紋有 8 個顏色, 就要起 8 支碌, 而每支碌價錢隨時會過萬, 平則要三五千), 所以佢地通常唔會自己印d 花紋出黎.
就算你見到係深水步有, 都係多數係人地工廠起完碌, 走貨之後用剩既布料, 深水步d 料行就會平價買呢d 布料返黎當現貨賣, 賣一水就冇, 冇得返訂, 因為都係人地用剩佢地先會有貨.
所以基本上如果你唔係工廠訂大料, 你都會好難先買到現貨.

同埋而家做雨傘既好多都轉左用一隻叫 pongee 既料, 係一隻特別既料, 佢質地比尼龍厚身而且比較滑, 相對價錢比較貴, 但都係出面好難找到.

唯一既辦法係你去問下d 布料行, 如果係佢地到買 70D 或 190T 既料 (或者同佢講要黎做遮既料), 有冇絲印廠介紹比你, 你想印少量, 佢地可能幫到你.
但注意就算係價錢都會好貴.