要求銀行減按揭利率

唔知你用緊冰間銀行？你份按揭當年同銀行個terms係點？
所以好難比到意見你應該點做！我只知某單位如唐樓、村屋、居屋等因為比較冷門，好多銀行唔做此類按揭，所以要傾減息就比較困難，但如果樓齡唔太舊或者係大型屋苑等，因競爭大銀行可能為保客戶所以有計傾都唔定架！

我講個親身經歷等你參考吓！希望幫到你啦~
話說有次唔覺意睇報紙見到西南銀行個廣告登話 P-3.28% 仲有勁多優惠，咁我見得閒無聊咪打電話去問吓d優惠詳情囉！
西南銀行個職員話轉會銀碼少過某個數要收手續費，不過大佢兩句就即時話手續費其實可免，但提早屬會就諸多限制，轉會另送咩咩超市優惠券同信用卡免兩年年費(佢唔講我都唔記得原來信用卡有年費添)，咁多優惠真係唔知點感激佢添=.="正常都唔會因為個小小優惠轉會咁煩啦，之後仲係幾得閒喎:p就順手打個電話去獅子銀行問吓我現在個按揭利率點解比其他銀行高成0.78%咁大數目架>,<我就同佢講返西南銀行d優惠比佢聽，當然我加左d鹽同醋啦，之後一論討價還價後獅子銀行就因為我的無聊與得閒每月少賺0.5%利率仲寄左張電器禮券比我添！
而我係呢整個過程由睇報紙到完成唔洗30分鐘，每個月就多幾百蚊，所以有時放假得閒都要搵d野搞作吓！
之後我把依個經歷話比d朋友知，佢地個個聽完都試吓打電話去銀行問吓啦，結果原來大部份都可以成功減息架，反正又唔洗錢打個電話都唔算麻煩，不如你都打電話去銀行同佢傾吓，可能你都會有個意外驚喜架！

先計您12年，p-2%的總利息是$104,561.46；而p-2.5%的總利息是$87,654.37，兩者相差只是$16,907.09。
我想問您有些銀行會接納您減息的要求，但要支付手續費等。那麼最後實質您只是減了共萬多元，當然沒錢是萬萬不能，但若您認為萬多元是一個超級大數目的話，再加上您說的什麼 按揭服務公司，就算真的給您做到減2.5%，您給他們綁死了最少的兩年罰息期，那麼將來的事沒人預料，假若您賣樓的話，那該時的罰息分分鐘多於您現在總利息的相差萬多元。
我想問您衡量下誰為著數？

2008-07-03 06:09:17 補充：
天使愛美麗 ：

不是您要求減息就可以減，當然很多網友為的是一分半分就附和提問者的想法，而是我們要面對現實，現時大銀行都相繼提高新造按揭息率，難道銀行會在此時減給您嗎？

新聞與現實是息息相關，我說得出這現實，就是當下的情況，您們不願接受，死認為一定會有得減，那就請您們向銀行查問為佳，在網上沒人能給您一個肯定的答案，因最終批核的是銀行，不是您，亦不是我！