我隻貓生左bb, 有兩日到, 咁頭先我見到佢又生多左隻出黎, 不過係難產, 我想問下隻貓媽媽會唔會...

响依個情況下，貓貓肚內可能會仲有貓ｂ未出，因為一般嚟講，貓媽咪會在一個鐘頭至二個鐘頭左右會生下所有貓ｂ的．而你的情形是屬於難產，對貓媽咪嚟講會有生命危險．應該及早看醫生．而且較遲出生的ｂｂ，可能貓貓媽咪會放棄餵哺唔出奇．

１）帶貓咪看醫生．
２）唔好用手掂ｂｂ，免有你人的氣味沾染貓ｂ氣味，這會令貓貓媽咪唔肯餵ｂｂ的，甚至會殺死貓ｂ都唔出奇
３）如果睇完醫生後，要食藥的就唔好讓貓媽咪餵奶了，以後要自己暫代貓媽咪的角色．


至於生下來的貓ｂｂ在可能的情況下，你要自己代替貓媽咪把牠們撫養成貓呀．

０－２個星期的小貓，２－３小時喂一次，晚上喂一次
２－３個星期的小貓，每４小時喂一次，晚上不用喂，但餵奶間隔不能超過６個小時
４－６個星期的小貓，每６個小時喂一次，晚上不用喂。它們可以堅持８－１０個小時不用喂，而且應該自己吃一些貓糧，你可以敞開供應貓糧給它們。

經常喂小貓ｂｂ可以防止小貓體溫過低，但如果喂得太頻繁的話，胃裏的奶一直無法排空，會使奶發酵造成脹氣，也是不好的。


要買貓貓專用奶粉個隻，唔好用人食用個ｄ，貓貓係唔受得，會疴的．同時在餵飼時唔好採用平臥姿勢，咁樣會好容易令奶進入肺部，引至肺炎的．最好是採用貓貓哺乳的形式，即手托著小貓的肚子，讓它呈俯臥姿勢，把它的頭稍微抬高一點。

你可以針筒或奶瓶餵都可以，但每次份量唔使太多，要按照奶粉的說明書，而我每次都係貓仔半個頭仔的份量的．記住在餵完奶奶後的半個鐘頭內要用濕毛巾，最好是溫暖的，輕輕按摩貓ｂｂ　ｐａｔ　ｐａｔ以幫助排便，直到三個星期大時，多數ｂｂ都會自行排便，你就唔會咁辛苦．

貓貓ｂｂ會在一星期後開眼，開眼後冇咁快睇得清楚，要兩星期後才看清楚事物，三星期開始學行，但唔會咁快行得穩，會行吓跌吓咁，
最後，驚貓媽咪肚內還有ｂｂ，睇醫生是最好的方法

2008-06-05 11:38:49 補充：
如果係咁，你要留意以下：
通常在母貓誕下小貓後的一至三個星期左右，陰道係會有紅色或綠色的液體排出的，這種情形會在最多三星期左右停止分泌．

如果那些分泌物有異味或似流濃，或太多甚至太耐，就要小心了，這表示貓貓體內可能還有貓胎未出或子宮出問題的可能，這時候就要看醫生．

貓貓最後生下的ｂｂ，是否還存活，要勿切留意，必要時要自己來照顧，但如果已不見了，可能貓貓已把死ｂ吃掉也未定．

thx呀,
不過我見佢而家好似無咩野咁, 走返入去同佢本來生左出黎既果d bb杜, 咁我仲好唔好囉佢d bb出黎呀?