BB夜晚成日唔訓~同喊

BB係媽咪肚入面既時候都冇分朝早同夜晚
所以佢到而家都未識分別夜晚係用黎訓覺既
你可以試下朝早唔好比佢訓咁多，同佢玩多D
到夜晚最後果餐奶就飲多小小，之後慢慢將夜晚果2餐奶既時間分隔耐D，即係如果佢6點同10點飲，就將10點果餐延遲10分鐘
隔幾日又再遲多10分鐘，咁BB自然就會夜晚冇起咁多次身
如果佢放晚喊，佢可能真係肚餓都未定，
又或者其實佢想啜住野訓，你可以試下慢慢將半夜果餐奶開稀D
漸漸變左水，隔一排佢就唔會再飲夜奶架喇

不過每個小朋友都唔同，以上既方法只係眾多媽媽同自己的經驗加埋D古老既方法
未必每個小朋友都可以咁成功 (比定小小心理準備你先)
不過只要你比多D耐性同愛心，應該好快就會成功架喇

祝BB快高長大~

如果BB日、夜都唔訓係到喊可能是肚風令他不舒服，妳可以用一滴白花油在掌心初熱在按在BB肚上面幫助去風。
另一個可能是嚇親，如果是的話給他吃保嬰丹，最好余人生那隻牌子。
如果兩樣用過都唔得妳就要帶他去看醫生，因為BB也會有腸胃炎的。

老人家話BB喊足一百日.

其實而家BB仲未知咩叫早上,咩叩夜晚,你可以係7點後個餐奶.
同佢傾多D計,唔好比佢訓.等到11點個餐食飽奶,抱佢訓,唔好同佢講野,等佢明白呢個時候要訓,如果佢零晨醒左,比D水佢飲下.


如果BB仲未介夜奶,就夜奶個餐比水佢飲,一喊就比佢
辛苦幾晚(我辛苦左3晚)
如果佢真係好肚餓,就早小小,6點比第一餐比佢食.

希望你可以快D有覺好訓啦^^