我係上年12月買左佢返黎...係一隻長毛芝娃娃
佢返黎既時候係好深既啡色架...但依家愈大D色愈淺= =
同埋我想問幾個問題...
點解我俾狗糧佢食 , 佢次次都係食兩粒又行開隔一陣又食咁
我見人地果D 好快就會食晒架喎....佢就未試過咁啦...係咪有D問題?
我試過換過第2隻狗糧佢都係咁= =又試過一排放係度10MINS左右 就拎走
佢都係無改善...點可以解決呢???
同埋最重要樣野 佢唔知點解異常細膽= =連風都驚既...
同佢出街 , 佢人同狗都會好驚....佢地唔埋黎都仲好 ,
人或狗 一過黎想同佢玩佢就即刻走 , 撲上黎要我抱...
點解會咁既 , 我都唔係小同佢出街丫 ,
一個星期都去3,4日架....但係我已經養左佢成年幾啦...都係咁既
如果我養多隻狗 會唔會好D , 佢會唔會無咁驚狗?
如果唔係...我可以有咩辦法呢....?
我狗狗的一堆問題.....20分!
2008-06-05 3:02 am
回答 (2)
2008-06-05 7:56 pm
✔ 最佳答案
芝娃娃屬於我行我素型小狗 (相對其他狗種如金毛, 貴賓犬來說), 有D係唔鍾意人, 有D係唔鍾意狗, 有D人狗都唔鍾意. 不過, 亦有比較開朗的, 人狗都鍾意既. 佢地對主人超級忠心, 佔有慾好強, 成日想主人同佢一起. 你可以多D比佢同細狗玩, 如果佢好怕既話, 係需要多D時間去改變. 亦可以係佢同狗狗一起玩時(就算冇玩, 只係肯企在一起), 輕聲講GOOD 同比零食獎勵佢. 我家的芝女超級喜歡人, 但對狗一D好感都冇. 以前好驚, 都用左好耐先有進步. 依家肯同小型犬玩, 但仍然好怕大型犬(可能少時侯比大型犬整跌過, 係心理因素). 比D耐性, 會慢慢進步.
如果試過10分鐘收起狗糧都係甘(你唔可以係收糧後比零食佢, 一定要餓到下一餐), 好明顯佢就係唔鍾意食緊個隻糧. 試多幾隻糧, 去攞D試食包比佢試下. 又或者用小許狗罐頭混合比佢食. 不過, 食完罐頭一定要擦牙. 亦可以比小量(半茶匙) 煮熟放凍的紅蘿蔔切細細粒加入D糧比佢食.
參考: 家有芝娃娃
2008-06-05 5:05 am
你可以去揾獸醫,問他這堆問題,他會說正確的答案你
收錄日期: 2021-04-21 14:35:11
原文連結 [永久失效]:
https://hk.answers.yahoo.com/question/index?qid=20080604000051KK02012