菲庸借大耳loan問題

先不理佢係幫人做擔保，抑或自己借錢，個菲傭o甘大膽用你屋企電話嚟借錢，而且仲影響到你同你屋企人，如果我係你，一定炒佢。
你要記住，一次不忠，百次不用，呢Ｄｃａｓｅ見得多，個個工人Ｄ籍口都差唔多，所以Ｄａｙ１我就同個印印講，絕不容許借錢、做擔保、大肚.....等等，一經發現，即炒。所以呢３年佢都好乖，只試過兩次要求提早出糧咋。
經驗之談，你唔好以為佢做左4年手腳好亁淨，就直至走個日都係，佢今日銀両足或佢知你試緊佢－唔偷，聽日山窮水盡就會偷，俗語有話　＂知人口面不知心、妨人知心不可無＂，我到今時今日都唔會用方法試探佢，只要關乎錢銀嘅嘢、銀包、金銀珠寶等等，一律鎖起或放保險箱，出街鎖房門。
我個ｆｒｉｅｎｄ個菲傭，一做８年，一路相安無事，到佢冇錢，借街外ｌｏａｎ、問佢Ｄ朋友借啦、隔離屋個菲傭、樓上樓下啦，仲將佢屋企Ｄ值錢野拎走晒，一走了知即日離港，無影無踪。之後不停電話追數、出街搭ｌｉｆｔ又俾大厦裡的菲傭追數，送個仔返學，學校其他小朋友嘅菲傭又喊住ｏ甘追佢數，最後唯有ｃｕｔ電話、搬屋、轉校先可以重過新生活。
我為了避免個印印周圍借錢，所以ｋｅｅｐ住佢本ｐａｓｓｐｏｒｔ＆　ｃｏｎｔｒａｃｔ，一來借唔到錢（以前就係，依家只要ｉｄ　ｃａｒｄ就ｏｋ），二來佢知離開唔到香港都唔會太放肆。
回到你的問題，你必須要佢盡快還清你屋企條數，狠下心腸，一定要依照大家協議每月還＄２０００，同一時間你兩手準備，同Ａｇｅｎｃｙ講你個情況同要炒佢，叫佢ｏ地盡快揾個新工人俾你。