大學會唔會有IELTS course讀?

如果你諗住係本地升學，又估計自己可以透過JUPAS升到U的話，IELTS你根本唔駛而家考。因為香港政府會資助所有大學生考一次IELTS(係全數refund，即係免費)，有D人會YR1-2時考，為左exchange。如果你大學三年唔打算exchange，多數都會YR3時考，主要既考慮係可能對搵工有幫助(但其實多數老細根本唔會理你有冇考過IELTS，除非你搵既工同英文有直接關係)。又或者有d人打算報外國的master，咁YR3時考IELTS就會有用。

據我所知，除非你唔係經JUPAS而係自薦入大學，咁IELTS先至可能會有用(因為唔係間間U都會當考IELTS=UE，如果你有考AL，佢地都係會以AL為準的)。

至於大學會唔會唔得閒考，講真我當時考真係完全冇準備咁濟，我身邊既朋友都係就咁去考，如果你UE有D的話，通常都過到6，C就應該會過7，除非你英文真係好差，否則真係唔多需要點準備。至於會唔會disclose成績，如果你有refund的話係會係大學的成績表上寫住你take過IELTS，但只會寫你考過，唔會寫幾多分。見工又唔會睇你成績表，除非你係打算升學，唔係的話考得差的話都冇必要再考...

唔該你呀~你都答得好好=]

大學通常都會有英文課程, 必修既選修既都有, 而且一般都唔駛錢
其實如果個先生肯教, 即使唔係ielts course都會有幫助

有d大學報一次ielts係會有全數refund, 例如polyu

要唔要而家考就睇你既需要
因為ielts成績既有效期係兩年, 即係中七考既到大學畢業果時已經過左期
如果近呢兩年你會用到呢個成績你可以而家考, 唔係就留番有需要既時候先啦

2008-06-04 18:29:41 補充：
當然有時間有閒錢既, 而家考定先拎個經驗都好既
而且幾時會用得著呢d野真係好難話得埋 = =b

2008-06-06 04:45:32 補充：
下面果個已經答得好詳細 :D

順便補多一點, ielts同UE比的確係冇乜考試技巧可言
不過我個人就覺得就應該要留意writing多d, 因為真係同UE writing既要求幾唔同