伊拉克入境問題

先同henry兄打個招呼。但係小弟問唔知henry兄同樓主知唔知道依家伊拉克仲係兵荒馬亂既人間地獄﹖小弟係度好嚴肅咁警告樓主，伊拉克依家連總統卡爾扎伊都唔敢行出巴格達總統府半步，出入都有一大堆保鑣保護，前排佢先至逃過一次公開既暗殺。連總統都隨時被殺，你唸下一般平民同遊客係嗰度既人生安全有無保障﹖依家係幾個大城市，例如巴格達、巴士拉、摩蘇爾等每日都有一百幾十年死於非命，唔係比流彈打死，就係比炸彈炸死，仲有唔少人係比人綁架處決，所以伊拉克到現時為止仍然係一個平民絕對不能踏足既九反之地。

樓主可能對呢幾年係伊拉克既人質被殺事件一無所知。係開戰到依家既五年來，有美國記者、日本年輕人同南韓無知天真傳教士係伊拉克被綁架，而且任劏任殺，嗰度既恐怖份子最鐘意綁架左外國人之後勒索他國，如果唔係佢地絕對會將人質處決，並且用大特寫畫面將處決過程全程紀錄。如果樓主唔信你可以上網搜索一下呢幾年伊拉克人質被殺既新聞，就知道我所言非虛。另外樓主提供既路線簡直就係自殺。伊朗同伊拉克打左八年仗，兩國邊境幾乎肯定關閉，就算唔關閉附近都保証有大量無人知係邊既地雷，同埋由於呢個範圍無王管，肯定有大量路匪，你除非係Rambo，如果唔係都唔駛旨意有命。另外依我所知伊拉克得巴格達有國際機場，去巴士拉一係經陸路，一係經水路。但係嗰度依家仲係英軍控制既地區，英軍係嗰度每隔幾日就有傷亡，依家英軍仲要叫住話頂唔順要快啲撤退，因為佢地已經無辦法控制巴士拉既情況。連全副武裝既軍隊都要走人，樓主有咩超能力可以係呢啲環境生存﹖

希望樓主唔好介意我直腸直肚，我都係有嗰句講嗰句，我講既野全部都可以係網上搵到相關既資料。我只係唔想又有一個人無端死於非命，好似嗰個24歲既香田証生咁，明明係大好青年，就咁被人一槍打爆個頭，你話可唔可惜﹖如果樓主想去中東旅行，伊朗、以色列、埃及、摩洛哥等都係好選擇，呢啲國家唔單止多野睇，而且好容易去，報團就得啦。樓主千祈唔好搵自己條命來較飛。

樓主難道唔記得幾年都有中國人被綁架?
雖然佢地都最後保住條命,但難道你想體驗被綁錯架好似佢地咁?
還有你同武裝分子言語不通,不要一廂情願以為他們會英文,更不要以為佢地識分你係中國人,還是韓國人,日本人,越南人

伊拉克一直也沒有限制香港人到訪伊拉克的
持有特區護照或 BNO 護照都需要辦理簽證
香港沒有伊拉克領事館. 因此申請手續需要於北京的伊拉克大使館辦理. 你可以發電郵查詢詳情 [email protected]
但你又真的會去 ?? 不去那麼以上資料又有什麼用 ???

2008-06-10 13:18:18 補充：
Steven 兄, 我估唔會有人唔知伊拉克毫亂過亂世佳人. 亦唔明點解有咁多人成日問點樣去伊拉克, 北韓等危險到飛起的地方... 反而佢地就成日問歐洲會唔會危險... 你話人係唔係好矛盾...
我相信樓主美其名就好似其他唔怕死既遊客一樣, 話要體檢下伊拉克人既水深火熱 (就算唔睇報紙, 唔睇電視都應該知道早 1 -2 年, 又日本, 又南韓, 又德國人比人打爆頭或斬首...) 實際上咪只係想表現比人睇佢幾大膽而已... 你估佢真係會咩 ?? I DON'T THINK SO...

2008-06-10 13:18:23 補充：
你可能覺得我答這問題有點草率, 沒事先警告樓主. 其實我也想了很久才決定找有關資料... 因為我覺得既然樓主一定唔會去, 答左亦唔會害死佢... 如果佢真係夠膽去, 佢自己也會找到辦法的...
不過樓主點解要去伊拉克無人知... 但請樓主記住, 如果真係出發去伊拉克, 唔該唔好為中國政府或香港政府添麻煩, 相信唔會有人願意用幾億港幣贖你條命返香港 !!!