有關信用卡付款問題....唔該大家可唔可幫手答一答!!!唔該...急問

你好.

無錯, 通常香港 D 商舖係唔會分開咁幫你簽卡, 接受你既付款.

1) 你可以用第一位網友提議, 先將信用額以外既金額, 存左入你張信用卡內先. 去買電腦既時候. 就可以一次過簽晒 $12118.00 果條數.
2) 你亦可以響購物前既兩星期, 嘗試向銀行提出做臨時加高信用額既要求, 如果你一向準時繳款, 屬於上等客戶, 佢地做完手續之後, 有時仲索性比左你個高既信用額, 呢個方法都係可行架.

謝謝.

我用緊大新銀行既...但係佢會唔會冇啦啦幫你提高信用額呢?
同埋月入都唔係好高...存幾千入去就可以將信用額提高至1M多...
得唔得架?

通常 D 商舖唔會分開咁幫你簽卡 ka wor. 但你可掉轉, 先將 $7118 或以上既 $$ 存左入你張信用卡先. 咁即係增大左你既信用額 ka la. 跟住先去買電腦. 就可以一次過簽晒 $12118 lak. 我通常往外地旅行. 唔想帶咁多 cash. 都係用呢個方法的.