JUPAS INTERVIEW

因為選擇課程的學生眾多, 所以大學無可能會叫晒所有學生去in, 佢地只會根據某些準則去選擇某些學生去參加面試. 所以就算你有將課程放入去你的25個課程選擇裡, 亦不代表學校一定會揀你去in.
準則包括:
1. 課程放在甚麼位置: 基於報名人數眾多, 有些課程規定學生放在某個band才會有面試機會, 所以如果你想入某個課程就記緊將課程放在某個band.
2. 會考/高考成績: 基本上會有幾種方式. a) 高考放榜後通常會用高考成績決定. b) 會考放榜前一般會以會考成績決定, 但有些不會考慮你將課程甚麼band, 只要符合大學選擇面試的要求就會有機會面試. c) 大學只會邀請將課程放在某個band及根據學生成績選擇學生面試.
有些大學學系會用準則1或準則2選擇學生面試, 有些會兩樣並用.
通知形式包括電郵、電話、郵件或網上登入帳戶其中一種方法. 無面試通知就代表你無得in.
至於無去in有無入讀機會, 就要視乎面試重要性. 如果面試重要性去到你唔去就一定唔考慮你申請, 或者面試比例好重的話, 你唔去in就會少好多機會, 甚至無機會入該學系. 有些學系會對面試表現好的學生加分、優先考慮或有條件取錄(要面試表現非常好先會有).
另一方面, 一日高考未放榜, 大學仲未知你今年高考成績.