凱帆軒 vs 浪澄灣?

以下係我個人少少意見:

浪澄灣---海景兩房我個人覺得貴o左少少,樓景又唔值得,係勝在規模大,兩房單位面積夠大,會所設施多,比起凱帆軒接近奧運站,同埋係新樓.不過,要留意一點呢個盤仲有超過1000間貨尾未賣,他日放盤時,有機會要面對發展商搶客.

凱帆軒---位置太遠,我覺得吊腳,唔方便.單位實用率唔高,用料一般.不過勝在價錢係奧運站屋苑中最平,仲有景觀算係幾開揚( 佢四周無乜野阻擋,唔似浪澄灣會望到維港灣and未來新鴻基地盤的樓景 )

其實,我反而有少少意見可以俾你參考下:

櫻桃街項目---位於匯豐中心隔離,南豐發展,今個月內會推出,兩房單位大約700呎左右,預計09年中左右入伙,暫時估計呎價應該同浪澄灣差不多,或者應該會低少少.

君匯港---你個budget,其實可以買君匯港兩房,或者加少少錢,君匯港700呎左右的三房單位都係大約550萬左右.起碼君匯港係新鴻基樓,又有天橋直駁MTR及奧海城商場.

希望我o既意見幫到你啦.

my [email protected]