我個妺個個月都有零用(父母俾),月尾清,俾多$20-$100佢盞佢愈駛愈多,你話我孤寒又好頑固又好,我都唔會俾錢個妹駛(當然大鑊野另計),如果下次d親戚又咁問我,我點應佢地?
更新1:
問題係我細妹真係幾大駛,佢依家零用有$100-$200一個月,但佢可以一個唔該拎晒d錢去買game同漫畫. 想當年我$80一個月,到月尾都仲有錢剩 早就o係讀大學時,我就聽過個妹一d難聽既說話,佢話d同學既家姐就算未出黎做野,都送d好貴既野同俾零用細佬妹,佢好羨慕人地有個好家姐(好家姐=肯買野同俾錢),真係聽到火都黎埋
更新2:
我d親戚都唔係特別鍚我個妹,只係好鍾意理我地d事,佢地仲抱住一種心態,認為做大既就算自己過得唔好,都要d細既開心,所以每年我個妹生日,佢地會專登打電話俾我,問我有冇表示(我小學時已經係咁,我小學時冇零用,佢地就叫我拎d利是錢出黎買) 見到我自己有d朋友,連買本八卦雜誌都奉旨要個家姐買,咁樣又唔通係好事?
更新3:
真係錫個妹,唔一定要買野同俾錢,有時同佢出街買枝7-11雪糕俾佢或者請佢食M記,已經好足夠
更新4:
To scotlus2005: >但似乎最急切是改變妳妹妹對金錢的睇法！ 100%認同...
