✔ 最佳答案
只養魚o既缸，燈冇乜所謂啦，只係你睇魚用，暖管都可以，最大 concern 係過濾。
首先你要知道，濾水器個泵o既流量，唔可以太細，因為濾水器將魚缸水泵過濾材，做物理、生物過濾，一定要令水o係過濾系統度循環，先至比較有效咁俾硝化細菌處理水中氮化物。而個泵o既流量係計濾水器冇濾材時o既數字，加埋濾材污物阻水，流量o既數字都要有返你個缸容量五六倍先穩陣。
至於過濾器選擇，都要睇 budget，同係唔係老手無關。許可的話，濾桶係首選，因為：
．容納量大，放得多濾材，過濾效能自然高
．水入筒後受相當壓力，迫過濾材，過濾更徹底
．密封，除左出水冇聲
頂濾睇 model 同設計，都可以放得幾多濾材，但唔數得埋較礙眼，水冇壓力過濾效能亦較低，出水能夠大水聲。掛濾較小型亦平ｄ，但體積小，濾材亦放得少，係慳位o既代價。以你個缸用掛濾要搵個大型ｄo既先得。
底濾唔建議。因為所謂底濾，只係將屎扯入缸底砂／泥中，由o個度o既細菌去分解垃圾，而冇得用更多濾材去養菌，樓上講到依家少見，就係因為呢個做法已經漸被淘汰。
潛濾最細o個ｄ係一個潛水泵入水位加舊棉，用棉養菌，濾材少效果有限；大型o既就好似一個塔咁，真係幾大座。另一種係「水妖」，唔用電，駁氣泵就得，係最簡單而效率高o既過濾器，但一樣係因為養菌介面細。呢兩款另一缺點，係都佔用缸內空間，唔靚仔。
濾材方面，基本上只要做物理過濾（棉，用以隔走大垃圾，以免塞住下面生物環ｄ窿）同生物過濾（主要係生物環，呢ｄ陶環有好多小孔，增加表面面積，俾硝化細菌繁殖）。次序就係密度由低至高，先俾水過棉，之後可以係不同大小o既生物環（先大後細），等水o係受壓下迫過環間空隙先回流魚缸，令過濾徹底ｄ。
活性炭唔係必要，佢吸o既係色（如沉木脫色）同味（如水腥臭），但咁o既情況你都要換水啦，所以唔用都得。如果用藥就一定要取走，因為佢會吸走藥o既化學成份。
ｕｖ燈同用於殺菌同殺藻o既孢子，室外魚池成日曬陽光易出藻，你室內養魚其實冇必要用（但魚街店鋪說你買唔奇）。軟水樹脂亦一樣，香港ｄ水都唔係硬水，冇必要，除左有舊啡色野反來反去幾得意外，係o徒錢之物，冇乜要抄ｄo野貼出o黎啦。
其實清缸養魚好處係方便，大型魚清理難，屎尿多，空間又要多，金魚亦然，所以比較多用清缸。但以神仙呢ｄ優雅o既魚，我覺得有砂／泥底，種ｄ粗生硬身o既草（因為神仙會啄草），比較合襯。鐵皇冠或皇冠草類都可以考慮（但後者就要你買多ｄ器材先種得到）。水榕亦係冇乜要求o既水草。
繁殖神仙唔駛開新缸，可以買個缸樽，高身o個ｄ，底向天，佢地會o係表面產卵，除非你有多於一對，咁就要認出邊對已配對，將其他撈走（驚去到新環境經一段時間適應後唔生）。瓦片、大葉植物如水榕佢地都o岩架。
如果原缸唔撈魚俾佢地生，可以產卵後拎走成個樽入新缸（當然要用舊水，水溫一樣，要有過濾同氧氣，用水妖最簡單）；只留一對繁殖，亦要小心，環境一唔穩定，佢地都會食返哂ｄ卵！有個繁殖神仙魚o既分享：
http://home.pchome.com.tw/togo/dw590823/angelfish/breeding/breeding.html
