請問電視經常播出的港交所人員(穿著紅衫, 背部有數字)是什麼人?

嗰啲叫 floor trader，即出市代表，俗稱出市仔。

在四會未合一，即聯交所未成立時，著背心呢啲出市代表責任重大，所有交易都透過他們進行，仲要寫黑板、報價等等。

聯交所成立後，開始電腦化，出市代表負責將order 入機，但由於聯交所成立初期未做電腦對盤，所以所有交易仍透過出市代表進行。又聯交所成立初期每名broker的交易終端機都設在交易大堂，經紀行的所有order都打電話到交易大堂出市代表那裡去通知他們入機。
到了後期出現了電腦對盤及第二終端機(非交易大堂)，出市代表的工作變成齋入機，加上經紀可以在公司用第二終端機輸入order，在交易大堂著紅背心的出市代表已變成可有可無，好多經紀行已不再派出市代表到交易大堂，做成現在的交易大堂冷冷清清。 有冇睇師奶股神？林嘉華叫班伙記將股票打上$3，跟住啲dealer狂入機，入嗰啲就係喺股票公司入面嗰啲終端機囉。仲要出市代表仲乜？
又記唔記得電視劇中丁蟹穿紅背心到交易所打收購戰，行內人見到個個都掩住咀笑，大嗌與現實不符，老細洗鬼親自著紅背心去掃貨咩。
今天有報價機，出市代表只接自己公司buy/sell order，唔報價，亦冇人問佢報價，盤係dealer落嘅，而今天dealer 也可自己入機，客人問sales 報價或自己捻機睇。 出市代表呢行式微架喇，千祈咪入行，入行倒不如做dealer或sales assistant。


2008-06-05 17:42:19 補充：
出市代表紅背心背後個冧把就係broker 行嘅broker number。

2008-06-05 19:01:47 補充：
出市代表並不是港交所人員，他們是證券行(stock broking firms)請的。

是證券行的經紀。要想成爲他們一分子需要考取相關牌照。