d80 定係 450d 好呀??

照規格計D80係比較好小小,起碼觀景窗睇得清楚啲,對焦系統都好啲.不過如果你開晒auto影咁佢地既差別就會變細.
用auto影其實啲相多數唔靚的.我就識一個女同事係用Canon 350D影仔仔的,影出來啲相同DC仔都冇乜大分別.手震既有,對錯焦既又有.黃呀,暗呀就更加多.
兩歲既小朋友估計會好多機會在室內影相.室內影相難度係高過室外光線充足時好多的.尤其小朋友唔適宜用閃光燈驚壞眼,我以上講既問題可以同時出現晒.
擺開技術唔講住,D80支跟機鏡18-135mm 焦距雖然長,但冇防震光圈又細,影室內首先就會有手震問題.450D嗰支反而有防震.所就算買D80都建議只買機身.然後配支AF-S 18-55mm f3.5-5.6 VR,即係D60支跟機鏡頭.但係都只適宜小朋友坐定定時先可以幫佢影相.
兩歲既小朋友己經識行識走,就算鏡頭有防震你都只可以防自己手震,如果小朋友一郁張相就會因為快門慢而變矇.原本可以用幾百蚊買支50mm f1.8去加快快門涷結動作,但係用大光圈景深淺,要對焦對得準好考技術,如果開auto相機實同你用足f1.8光圈.如果你仲用埋嗰啲多點人工智能對焦,咁就多數實對錯.
反而相黃或者暗只要搞下設定就得.
總結係如果你打算花啲時間學下操作部單鏡機,佢係可以比DC靚好多.但係全auto的話佢只可以叫做好過DC仔小小.