✔ 最佳答案
如果你未能入單位內實地量度呎吋而又想清楚知道單位內呎吋,方法有兩個如下:
1,你可以去土地註冊處先做個物業查冊,留意註冊摘要中,如出現平面圖,就記下註冊摘要號碼之後再查冊註冊摘要號碼文件(即攞個平面圖),通常個圖都會有單位呎吋架喇,如果你個單位係經地產買入咁叫間地產幫你落查冊就ok,土地註冊處攞圖好處係又快又平。
2,你也可以fax張申請表去屋宇署申請查閱核准圖則,之後等5-10日不等,屋宇署會通知你去旺角始創中心查閱或複印你指定單位平面圖,齋睇圖則唔複印張圖屋宇署係唔收錢的,咁你可以睇0岩先比錢攞圖,又或叫個裝修公司去攞圖就可以喇,屋宇署攞圖好處係幅係建築藍圖,呎吋非常細緻而且連大廈水位、渠位、外牆及樓底高度都一應俱全。
不過我通常舖位裝修先會咁攞圖,但一般住宅單位其實地產公司或裝修公司都有方法攞到圖,由其美孚新村咁熱門屋苑可能地產及裝修公司一早已經有你要的平面圖添,建議你不如先問吓有關公司可否提供平面圖資料先呀。
希望以上資料幫到你呀!
土 地 註 冊 署
http://www.landreg.gov.hk/tc/eform/form152.htm
樓 宇 資 訊 中 心