k仔...藏毒...刑罰

你阿哥幾多歲?

2008-06-03 16:56:22 補充：


根據上訴庭在98年5月26日所訂下對氯胺酮Ketamine (K仔)的判刑指引, 販運25克以下的K仔判刑由法官決定, 可以藏毒作交替. 25克以上至400克以下判刑是2-4年監禁. 400克以上至800克以下判刑是4-8年監禁. 800克以上判刑是8年以上監禁. 呢個指引係香港所有法庭都要依從, 法官係無得唔跟指引私自决定刑期嘅.


通常每 "包" K仔大約含有0.6克嘅K仔. 28包就即係約16.8克K仔.份量唔多. 但衰在你哥哥身上有成28包K仔. 一兩包就話自用啫! 咁多包, 佢話唔係攞嚟賣, 係用嚟自用, 講都唔會有人信. 所以就算份量少, 警方都會控告佢販運. 法庭對販運16.8克K仔的判刑起點是2年以下監禁. 最接近案例有HKSAR vs. LI HOK LEUNG (KCCC6733/2004, HCMA1001/2004). 當中被告在disco被搜出21包共含17.7克K仔的毒品. 佢無前科, 肯認罪, 被判刑9個月, 減去認罪3份1折扣, 即係6個月.
你哥哥都會係判監6個月. 販運毒品係唔會判罰錢 / 緩刑 / 社會服務令嘅. 一定會坐監.

24