洗衣機好大聲

已使用了两年的洗衣機應該不會這麽快你所述的問題，但你未有清楚描述你所使用那類型洗衣機，如滾桶式或離心式。當洗衣機去到脫水程序時，一般滾桶式的轉速有500轉/分鐘或以上，洗衣機的滾桶左右两邊都有軸承（Bearing），若軸承損壞或過度磨蝕在高轉速時就會發出咯咯声响，找師傅或代理商同你檢查找出真正原因。我之前個洗衣機滾桶式的亦都是咯咯响用咗八年惠xx牌，我自己拆咗個啤令出來，只能換得一邊另一邊有個附加配件未能處理，怕拆爛咗代理冇零件賣，但效果比前好，細声好多，都頂咗年多最後都要換机，因換啤令一定要一對換才能平衡運轉，貴價啤令鋼水靚啲耐用啲！唔靚鋼水啤令用两年有声唔出奇。希望幫到你！祝：生活愉快！（換啤令的工夫好多，有時要拆開周邊好多附件又要持別的工具，若冇維修工作經驗都要比人做。）

我都試過類似的情形，我部洗衣機比你的還要新，用左都未夠1年，所以好彩仲有保養，於是叫代理成部抬番去檢查，拿回來時，個師傅拿多左條約6吋長的鐵線給我，說是在洗衣槽內找到的，原來是bra的鐵線，便是因為這鐵線，所以令到乾衣時發出「達、達」聲，個師傅還說，他見過好多類似的情形，都是由於洗衣槽內發現雜物，如毫子、髮夾、衫鈕等，他提醒我以後洗衫前，要逐一檢查清楚衫褲的袋，才好放到洗衣機去洗。