有關於墮胎方法一問 急

就您既問題：
1.)墮胎無合法，除非您夠18歲，而又有兩名醫生既簽名，您先可以墮胎

2.)如果您未夠16，就算墮左胎，經手人如果被警方拘捕，無論胎兒在與否都一定可以將佢入罪

3.)我希望您可以勇敢點，去家計會青少年保健中心，見完佢地先算啦~!!
http://www.famplan.org.hk/fpahk/zh/template1.asp?style=template1.asp&content=about/location/yhcc_mk.asp


因為如果您生左佢出黎真係照顧唔到佢，到時，可以聯絡保良局，到時再算吧！！


另外，我想係度同各位講下墮胎呢樣野
我唔係一個wet妹或唔好既女仔，但我曾經做過人工終止懷孕手術

我願意行出黎講，咁唔知羞恥係因為我唔想再有更多更多女性受害…
墮胎既時間係短暫，但所要承受既痛苦係一世既


以下我前男友= Q

我16歲個陣識左Q，佢大我兩年，
佢由古惑仔為我改變，會搵份正工，日做野，夜讀書
我地都認為我地可以一起到白頭！

我地一齊左無耐就有性事，
當時無用任何避孕既方法，因為我成日持住自己無M黎，就唔使驚，有咪落囉！
屋企實俾錢我落…18歲個年，有左
心情：好興趣，緊張而又擔心
無膽同Daddy講，覺得對佢唔住

我問Q點，佢無出聲，問返我想點，其實我好想生，但我唔敢面對未來，所以當時情願犧牲bb，而且我知我男友既答案係想我去落，但佢唔想直接傷害我，所以無講出口，跟住我話咁落左去啦！


我好唔開心，話俾媽咪聽，佢話俾我爸爸知
爸爸當時無出聲，想我自己決定(我事後先知！)

跟住我地拖左差唔多個半禮拜，
有日個肚好痛，又有少少血絲…
我地即刻去睇私家照X-ray，
醫生話可能宮外孕，就即刻要我入院，
拖左我兩個禮拜bibi心跳都有喇…都未做手術！

我同爸爸講，佢無責罵我，仲支持我既決定係勇敢既，跟住佢摸下我個頭，話我大個喇！係時候，會係人生路上滴下雨嫁喇！

手術係香港區一家私家醫院進行，大約2萬蚊！
我成家都係度，一朝早，媽咪仲帶住我三歲大既妹妹黎陪伴我，當時我係全身麻醉……一d都唔痛，醒返個感覺好似黎M肚痛咁！

醫生叫醒我，我一有感覺時，係不停不停流眼淚，連回應醫生名都未得就流眼淚(麻醉藥未清)…妹妹既小手緊握我，叫我唔好喊…我覺得好似係bb既小手一樣…

我同Q維持左2年無性，連親吻都沒有既情況下分開了！
我承認佢好錫我，好照顧我，但大家都明白，
因為呢件事，大家都無得返轉頭，
呢樣野係墮胎前，想都想不到的！

我到依家都無覺得bb會傷害我，但我個心一定好難過，
我可以同各位講，每次不論電影，書，網上討論，只要係有關墮胎既話題，一接觸，肚就不奇然抽住痛…包括今次打呢篇野！

我幫bb做過法事，睇過心理醫生，依家識左第二個好好好好既男仔！
但我無一日係唔為墮胎傷心既…


請各位男士，女士，珍惜生命，珍惜眼前人！
路，唔係無得揀，睇您有無膽去行！


只有未出世既bb先無得揀！！

番大陸
睇我呢則blog

http://hk.rd.yahoo.com/blog/mod/art_title/*http://hk.myblog.yahoo.com/jw!hhs6dd.WHRadkHc9gH3ykQ--/article?mid=168

除左家計會仲邊到有合法架....
唔要bb你地都要有錢先落得架..
唔係話你想唔要就唔要架...
冇錢既話就同屋企人講啦

係香港, 最合理既地方應該係家計會, 會幫你安排

你未夠十六歲, 你男朋友就一家係犯左法, 坦白講, 佢愛你既話就唔應該而家要你一個人面對。不過已經發生左都冇辦法。

如果你去家計會既, 我相信佢地點都會問下邊個經手, 差在會唔會報警。
同屋企人相量下啦, 無論點遲早佢地都會知道。

之於其他墮胎既方法, 坊間有無數既講法, 中西藥都大把,
又或者返大陸做手術...好多好多
不過九成九都係唔安全, 或者殺左個胎既時候攞埋你半條命。
你寧願保住你男友, 定係想自己生命有危險(或者以後唔可以有bb)

搵d信得過既長輩幫你啦, 老師, 親戚

下面有家計會既網頁

終止懷孕
http://www.famplan.org.hk/fpahk/zh/template1.asp?style=template1.asp&content=services/clinic/surgical.asp


申 請 合 法 終 止 懷 孕 手 術

根 據 香 港 侵 害 人 身 罪 中 第 四 十 七 條 規 定 ， 要 申 請 終 止 懷 孕 手 術 ， 必 須 經 兩 位 註 冊 醫 生 共 同 確 信 ：

◆ 繼 續 懷 孕 對 孕 婦 生 命 所 構 成 的 危 險 或 對 其 身 心 健 康 所 造 成 的 損 害 比 終 止 懷 孕 為 大 ； 或 ；
◆ 胎 兒 出 生 後 極 有 可 能 身 心 不 健 全 並 足 以 造 成 嚴 重 傷 殘 ； 或
◆ 孕 婦 未 滿 十 六 歲 ； 或
◆ 孕 婦 在 三 個 月 內 曾 向 警 方 報 案 ， 自 稱 是 亂 倫 、 強 姦 、 迫 姦 、 誘 姦 或 迷 姦 的 受 害 者 。

接受 合 法 終 止 懷 孕 的 婦 女 ， 懷 孕 期 不 得 超 過 二 十 四 週 ， 但 若 為 挽 救 孕 婦 生 命 而 進 行 者則 屬 例 外 。 合 法 的 終 止 懷 孕 必 須 在 政 府 指 定 的 醫 院 或 家 計 會 手 術 室 內 由 註 冊 醫 生 施行 。