唔該幫我作作一d野

我要喺謝師宴果陣出來講野,不過我諗左好耐都唔知講咩好...
你地可唔可以幫我作篇搞笑既野,好似talk show咁.係關於6年的小學生活..
各位同學，過埋今日大家就可以脫離學校同老師魔掌。 「假裝吃驚和失言的模樣」啊！唔係，應該係失去老師的教誨先至。可能老師都覺得忍我好耐，始終都可以做日本膏藥「略停」 有無人知係咩？未就係脫苦海囉！
其實我知道你大家都有咁感覺，不過點難忍都好。都要聽我發埋今次風，鬼叫你自掘墳墓俾我講。不過你可以放心，我好快就會講完，大約一個鐘頭度大家就可以開餐啦。，咁我開始講啦。話說盤古開天闢地，到耶穌降世拯救世人，發展到美軍攻打伊拉克，跟住又北京奧運傳聖火，以上種種情節同我跟住要講完全無關！ 「略停」
首先我要度代表大家多謝老師們任勞任怨、逆來順受、不怕犧牲咁湊大我呢班危險人物。 「作吃驚失言狀」 唔係，係精英分子先至。今日唔知點解成日開口〝及〞著，講親都係真說話。 「作掩口狀」 又講錯啦。 「自拍頭或掌嘴一下」
繼續，雖然老師係有糧出，但係教我呢班怪獸都真係要死好多細胞。所以我好應該擺番圍和頭酒，唔係，係鴻門宴，都唔係，係謝師宴慰勞佢至。 「停，作側耳傾聽狀」 乜話，唔係用慰勞，咁用招呼啦， 「略停」 ，招呼又唔？咁點玩呀大佬？份稿係你俾我照住讀喎，唔好玩我啦。
唉！長話短說啦，一句到尾，我全體學生衷心多謝各位老師的悉心教導，我以後會生性做人，唔會令老師失望。講完，拜拜！
我用口語化幫你寫呢篇稿，你祇要注意說話的節奏，黃色部分是動作，呢篇稿夠你講幾分鐘用。
不知你合用否！希望可以幫到你！
圖片參考：http://tw.yimg.com/i/tw/ugc/rte/smiley_35.gif