情憑誰來定錯對 ?

愛情有時候冇分錯或對,
妳冇變到質,
妳曾經受過感情重傷,
唔好話係妳,
對任何人影響都會好大,
妳能夠結束一段唔開心嘅關係,
其實已經比好多人叻,
最緊要係唔好鑽牛角尖,
唔好畀一段過去嘅感情拖累.
蒙蔽眼前美好嘅嘢!
試問一個女人,
可以花得起幾多次青春?
就算係身體有小傷口,
我哋都會去貼塊膠布啦!
更何況係個心受傷...
我覺得時間真係最好嘅醫藥,
可以幫妳去忘記同好番!
心病還需心藥醫,
最能夠醫到妳嘅,
係一個眼前好愛妳嘅人!
最後,
要睇番自己係咪都愛呢個妳口中講嘅好男仔,
有人愛都算是一種幸福,
如果可以接受就唔好諗咁多,
放開自己去愛吧!
如果要勉強拍拖,
就會累己累人,
或是一切隨緣啦!

有一個真心愛自己的人

而自己心裡卻有個自己愛的人~

我而家都經歷緊.....

我認為每一個人心裡總會存在著一個忘不了

又會惦念的人...但總是得不到

然而卻會遇到另一個愛自己的人

有時真係會覺得對唔住佢,因為自己最最最內心的人唔係佢

你問時間真的可以證明一切嗎?

我話係可以....時間都可以沖淡一切~

你想專一地愛一個人,

想簡單,舒服,開心,自然地同中意的人一齊創造幸福的將來

係可以架.....但當然要係有同樣夢想的人啦~

你要信自己,乜都有可能

愛情無話岩定錯呀!睇你們大家如何相處同維繫之嗎?