外借婚姻監禮律師

宜家冇咁平架啦！我之前book就$1500，但不包擬結婚通知書($305)，你可以叫埋律師幫你做，個時包埋就要$1999。宜家好似加到$2200-$2800(08-09年價錢)，包埋交擬結婚通知書、介指枕同羽毛筆。

首先你可以先打去問下bd個日律師有冇期？(因為聽返其他姊妹講，可能因為平的關係，宜家律師都幾full，同埋佢一日只接一單，宜家已經book到09年，所以如果要book就要快手啦！)如果有期的話，你可以先約時間去佢間律師樓面談，佢好好人，因為我地都要返工，要6點幾先上去，佢既同事都走晒，但佢都係度等我地。上到去，佢都好nice，好詳細講解程序，仲俾埋羽毛筆同介指枕我地睇。聽完後，我地話要考慮下，佢都無面黑，無逼我地即時落訂。到我決定左用佢之後，都係俾$500訂(銀行過數，再寄返入數紙，不用再上去律師樓)，不似得某些律師要一次過俾晒！之後，我地決定自己做擬結婚通知書，佢都無逼我地叫佢做，到我地攞完張婚姻登記官證書，就可以fax去律師樓度，唔駛再上去。

律師好好人，佢比預定的時間早15分鐘到左，來到就同司儀夾司儀稿。之後，又同我和老公講得好詳情當晚的程序，當晚證婚好順利呀！佢唔會亂加錢架，之前我地俾左$500訂，當晚先俾尾數佢，俾支票都得，真係好好，不用帶咁多錢！劉律師仲好好笑容，不太嚴肅，都幾好！

如有興趣可email給我︰[email protected]

通常都無咁平架喎！而家嘅收費平均都要幾千蚊，6千我都見過有人收！所以如果你係諗住要千幾蚊嘅話，你不如去註冊處喇！