我的家人申請綜援, 不知合乎資格

我的家庭一共三人, 六十四歲的爸爸, 大女(我)26歲, 細女25歲. 媽媽在十多年前已經過身不在了. 爸爸獨力照顧我地到現在.

但兩星期因為爸爸突然腦幹中風, 情況嚴重, 現在四肢動不了, 未能吞嚥及說話, 醫生說日後很難照顧, 要送去護老院, 我和妹妹很不想, 但都無辦法, 因為在家的確照顧不了, 但一方面又擔心家庭的經濟無錢俾爸爸去住. 所以不知怎麼辦~

我知道可以申請傷殘津貼或綜援, 但不知道我地是否合乎資格, 現在我的家庭經濟情況如下：

妹妹全職工作9500, 我半職工作3500, 爸爸現在嚴重殘疾, 無收入.

本身住公屋的, 每月家庭要交的水電費, 煤氣, 租金, 我地計算後最少要4500左右, 爸爸現在住在醫院, 但當穩定後要安排入住護老院, 我地想安排爸爸入住私人護老院, 因為服務及設施都比政府護老院的好很多, 但費用每月要最少都要9000, 我地看到一間合心水的要11000, 但我兩姊妹很想俾爸爸住得最好, 但看到這些價錢又覺得不太可能, 因為實在負擔不起~因為除了住宿費外, 日後爸爸也有要很多的醫療及復健費用支出, 而我地兩姊妹也要基本開支, 算來算去都係不夠, 這半個月我和妹妹都處在一個傷心及旁徨的環境中, 唉...

我本身在做半職會計, 做了多年, 返工時間是下午1至6點, 因為該公司不太大, 所以不需要全職的, 現在每早上我都去醫院探爸爸, 因為爸爸說不到話及四肢動不了, 所以護士也額外給我早上進去照顧一下~晚上妹妹和我放工就會一齊再去探~

想問這份工作會否影響我地申請津貼呢, 我需要辭職嗎, 但這份工我做了多年, 而現在時間上很適合照顧爸爸, 很苦惱~

請問有人可以告訴我, 如果要申請綜援, 我地有資格嗎, 如果沒有, 那我地可以申請那些津貼呢, 有無人可以幫到我地可以點做呢? 我地每月最多可以申請到幾多錢呢?? 請幫助告知~

謝謝好心的你們~

爸爸銀行得幾千蚊, 我都係, 妹妹就多些, 不過都係得三四萬, 我講得詳細些, 希望有心人可以教到我地怎麼辦~