有關僱主因貨品冇貼上價錢面扣錢一問...還有....(20分!!!)

首先,我引述番勞工法例既內容俾你睇睇先.

僱主只可在下列情況下扣除僱員的工資：
1. 僱員缺勤，但只能扣除實際缺勤時間的工資；
2. 僱員因疏忽或失職而損壞或遺失僱主的貨品、設備或財產，每次只可按值扣除，但以不超過$ 300爲限。此外，在這些情況下扣除的工資總額，亦不得超過僱員該工資期所得工資的四分一；

休息日
享有資格
凡按連續性合約受僱的僱員，每7天可享有不少於1天休息日。
法定假日
所有僱員，不論服務年資的長短，均可享有法定假日

支付工資
工資在工資期最後一天完結時即到期支付，僱主必須盡快支付所有工資給僱員，在任何情況下不得遲於工資期屆滿後7天。僱主如果未能依時支付工資，須就欠薪支付利息給僱員。

一.
所以就以上條例內容, 首先由於你無o係貨品上標價錢同埋數錯存貨數,其實對公司有無做成損失?如有的話要睇番實際損失價值同埋上限三百蚊,以小數者為先.
而佢扣你缺勤時間, 只可以扣你該段時間既薪酬.
如: 每月人工$7000, 每天工作8小時, 以五月為例, 當遲到左30分鐘, 咁佢可以扣你遲到既金額係 = $7000 / 30 or 31 days / 8 hours / 60 mins x 30 mins.

二.
至於休息日同法定假日應該係分開計架. 呢樣係經驗所知.

三.
其實正常係要七號出糧既, 如果你係月薪制既話 (因為有啲公司可能係10號截糧,咁就變左17號要出糧), 不過依家有啲公司都係話因為計唔切所以遲多一兩日,如果你公司真係每個月可以八號出到糧,咁個人認為都可接受既.

不過見你咁既情況,我勸你都係打去勞工處問問安全啲,其實佢多少已經觸犯左勞工法.

呢間公司賺扣人工0既錢都賺到笑,無良到無倫,做落去,真係喊都無謂,重唔走等乜?

又一間無良公司, 咁無良的死老闆, 不用為他擔心, 不用心軟, 不要突然他扮好語氣而不告他, 告他告他))))))))))))))))))))))))))))))))

你都幾好野, 咁既工都忍到三個月...
立即打去勞工處, 第一樣佢話做錯野, (點錯貨) , 就扣你人工, 已經可以告佢啦, 員工如果因做錯野, 除非係好大銀碼既錯失, 都好似扣500.00元以內 (我以前有個送貨同事, 送貨時整壞左人哋公司喲野, 要求我哋公司賠成萬元, 公司都要賠, 都只在個員工扣回幾佰元) ..