有咩岩新手用既單反相機?

以我個人的觀點來講,相機係冇分俾新手用定老手用的.即使只係影好普通既嘢,高階機既可靠性同操作性都一定比入門機好,如果你預算冇限制同埋唔怕重的話,買最頂級型號都冇問題.
在功能及價錢中間取得平衡的話,我建議買各大品牌的中階型號.雖然畫質會同入門級機身差不多,但大而明亮的觀景窗方便手動對焦,較快速及準確的對焦系統,針對動態拍攝的高速連拍,握持感較好,較堅固的金屬機身等等都係入門級機身所欠缺的.當中比較建議有三個型號.
Nikon D300
目前最高規格的中階機身,51個對焦點,當中15個是十字型.仲可以跟據主體移動自動更改對焦點.每秒6幅連拍,加手柄仲可以谷到去每秒8幅.閃燈同步去到極快的1/320秒.極速抓拍的最佳選擇.但價錢也最貴.
Canon 40D
較經濟的選擇,可以規格也不差,9點十字型對焦點,配合f2.8或更大光圈鏡頭,中央對焦點仲會變成更敏感的雙十字型對焦點.連拍都有每秒6.5幅,算好快.閃燈同步都有1/250秒.
Sony A700
比起前兩部機,功能似乎有點不及,只有中央一點是十字型對焦點,雖然配合f2.8或更大光圈鏡頭都可以變成雙十字.但其餘10點都係單線型對焦點.對焦速度及準確度遠遠不及十字型,尤其是低光時.連拍速度也只是不過不失的每秒5幅,動態抓拍只可以叫做合格.幸好閃燈同步仍然有1/250秒.但係A700最大賣點係機身防震.幾乎配所有鏡頭都送防震功能,加配鏡頭時你會發覺可以慳好多錢.

鏡頭方面
Nikon D300建議買Nikon AF-S 17-55mm f2.8應付中短焦距,光學質素好,超聲波對焦,大光圈都齊,不過價錢就嚇人啲,而且配全幅既D3要用DX mode,張相得翻5百萬像素左右,而且冇防震.經濟啲可以考慮副廠Tamron 17-50mm f2.8.只需三千蚊不到,光學質素都唔差,係冇咗超聲波對焦.
中長距就一定係俗稱小黑五既AF-S 70-200mm f2.8 VR,大光圈,超聲波對焦,防震,絶對可以將D300既潛能發揮晒,至於次一級既小黑三AF 80-200mm f2.8或者一啲副廠鏡就有小小嘥咗D300.不過要留意係比較重.
旅行用方面建議AF-S 18-200mm f3.5-5.6 VR,Nikon短焦距方面比較麻煩,有大光圈就冇防震.但係我覺得在旅行來講,防震比大光圈好用,所以建議多一支.
Canon 40D建議買EF-S 17-55mm f2.8 IS USM應付中短焦距.六千幾蚊大光圈,超聲波對焦,防震乜都齊.除咗話用唔到在大片幅相機上,不作他選.中長距建議EF 70-200mm f2.8L IS USM.同Nikon既小黑五一樣,最能發揮40D既潛能.同樣有比較重既問題.雖然有支較輕便既細光圈EF 70-200mm f4L IS USM,不過就啓動唔到中央雙十字,同埋對低光環境應付較差.
Sony A700建議買Tamron 17-50mm f2.8應付中短焦距,因為夠平而且原廠冇呢類鏡頭.A700有機身防震都好好用架.
中長焦距原廠70-200mm f2.8G固然好,但價錢實在太離譜.揀Sony就係為咗平,建議買Sigma 70-200mm f2.8 macro或者就出既Tamron 70-200mm f2.8就足夠喇.

以下網頁有相機規格
http://dcfever.com/cameras/database.php
以下網頁有鏡頭及部份機身價錢
http://www.ygdragon.net/