Nikon D80 問題

多數係你既CCD入咗塵.用細光圈時就會好明顯睇到.
你可以試下自己用個唧唧睇下可唔可以吹走佢.最好係成個軟冇硬咀嗰隻,呢個方法都幾安全同埋方便.不過都一定要在室內無乜風沙既地方先好搞,否則有機會越搞越多塵.
步驟係進入D80既set up menu,即係有個士巴拿符號嗰個,揀選Mirror lock up,設定做on,咁反光鏡就會打開,你就可以見到相機既sensor.跟住反轉相機向下,你就用唧唧在下面盡量吹走啲塵.向下目的係等吹甩咗既塵唔好再黐翻落sensor度.記住視線唔好離開,必定要在視線監察範圍內做,否則唧唧有機會掂到sensor就會整汚糟佢.吹完就放翻塊反光柀落來.
跟住再影啲相睇下仲有冇事.都係唔得既話建議就俾翻Nikon維修部搞啦,如果保養期內係免費的,否則可能要二三百蚊.
如果自問身手都OK,可以試下自己搞.方法林林種種,有濕有乾.你可以睇下以下網頁,不過所有接觸式清潔方法都有風險.一唔小心部相機就真係要入廠.
http://www.eos-magazine.com/Sales%20folder/Sales/sensorcleaning.html