以前&now拆祠堂的題目

Q:點解"剔"代表正確?
A:因為正確英文係right,以前d人簡寫"r"代表正確,寫得快就變成剔.

Q:點解叫旺角?
A:因為當地芒草叢生,而地形又似隻牛角,所以旺角以前叫做芒角,同時亦被叫做芒角咀.o係1930年,取其興旺諧音,改名做旺角,但係依家上水重有人叫旺角做"望角".

Q:點解賽跑係逆時針方向咁跑?
A:因為人體內臟有2/3係偏右,1/3係偏左,而跑步需要向心力,逆時針方向跑比順時針方向跑提供較好o既平衡,再加上左腳係支點腳,右腳係動力腳,跑步轉灣時,右腳同左腳互補不足,左腳補多d力,右腳亦都可以輔助做支點,令到運動員跑得好d.

Q:點解拍電影用o既拍板係用黑白間條色?
A:黑白色間條係o係後期製作調色用o既,務求就算係唔同日子,時間,天氣,都可以令顏色無偏差,可以連戲.

Q:點解澳洲o的新公廁要用藍色燈照明?
A:因為澳洲政府唔希望癮君子係公廁內注射毒品,留下大量針筒.而注射毒品係用靜脈注射的,係藍燈照射之下,本身紫藍色的靜脈會難以用肉眼看到,令癮君子難以注射.

Q:點解左住人o地,唔通氣,會叫做電燈膽?
A:因為以前香港係用火水燈照明,係需要打氣先可以發光,而後來科技進步,改用電燈膽照明,因為完全密封,唔需要打氣既關係,所以就叫o的唔通氣既人叫電燈膽啦.

Q:點解以前既工人叫馬姐?
A:因為菲律賓話,工人既讀法係ar-march,所以香港人取其mar音,將佢翻譯為馬姐啦.

「麻甩佬」呢個名詞係點 o黎既呢？
「麻甩佬」呢個名詞當然係指男人啦，但係「麻甩佬」正確寫法其實係「麻笠佬」！笠係邊個笠呢？咪就係竹花頭，下面加個立正個立字 o個 o個囉！
點解會有「麻笠佬」呢個名詞呢？
係因為古時 d 人著既孝服係用草黎整既，自古至今，喪禮一般都係由死者 o既子孫或者長子主持，而且大多數以男性為主，當佢 o地披麻帶孝 o個 10 幾日裡面，係唔可以除落 o黎同沖涼既，自自然然佢 o地身上就會有汗臭喇，所以「麻笠佬」亦代表「臭男人」呢個意思，自此慢慢演變成而家既「麻甩佬」喇！

「拍馬屁」的由來？
古時中國西北部，馬是著名的交通工具，通常大富人家都會有馬車代步，有時有人想討好那些有錢人，不管那匹馬好不好，都會拍一拍馬的屁股，讚他擁有一隻好馬，這就是拍馬屁的由來了。

7-11 點解叫「 7-11 」？
7-11 源於 1927 年美國得克薩斯州，初時係開 7 點收 11 點，之後先改為 24 小時做生意，所以用佢初頭開舖同收舖既時間做舖名。


2008-05-31 15:27:42 補充：
蛇 o既舌頭點解係分叉？
因為蛇要分辨邊一邊既氣味重 d，咁就有比較，知道獵物既位置 o係邊，方便用來獵食！

2008-05-31 15:27:59 補充：
飛虎隊點解要帶頭套呢？
因為係心理戰術，憑反恐部隊出動 o個時，通常氣氛會好緊張，o係咁樣 o既氣氛下，帶頭套會令到敵人產生恐懼感，增加自己勝數！

2008-05-31 15:28:40 補充：
為何西方人認為 1 枝火柴點 3 枝煙係唔吉利？
相傳二次世界大戰，英兵打仗時有幾個士兵食煙，佢 o地就係用 1 枝火柴點 3 枝煙，就係咁被敵軍發現而被射殺， 所以往後 d 人認為咁係唔吉利喇！

2008-05-31 15:28:55 補充：
點解中國 o既繁體字會變 o左簡體字呢？
中國 o係蔣介石統治 o既時候本來係用繁體字既，之後毛澤東統治時就主張有個新 o既政府，於是發明 o左新文字－簡體字！

2008-05-31 15:29:12 補充：
點解我 o地生日時候要食長壽麵而唔係長壽飯，長壽蝦呢？
因為取其長臉意思，古時傳說「人中」有一吋長就會有一百歲，咁長壽「麵」等於長壽「臉」寓意食完塊面會長 d，人就會長命 d 喇！

2008-05-31 15:29:27 補充：
點解 d 人節食完之後會好易肥返？
因為節食減肥只係減肉，但減唔到脂肪，咁所以一食返野就會立即肥返，立即會補充返 d 脂肪；但用做運動減肥就係將 d 脂肪燃燒，咁就冇咁容易肥返，亦因為脂肪係燃燒 o左先冇！

2008-05-31 15:29:43 補充：
法老王點解要起金字塔？
因為尼羅河每年會氾濫 6 個月，d 農民會冇 o野做，咁法老王為防 d 農民造反，於是就諗起 o左金字塔呢個 project 俾農民，等佢 o地有 o野做，唔會造反！

2008-05-31 15:30:03 補充：
點解有人喊會流鼻水？
因為五官係通的，淚腺有條管道通向鼻哥，所以其實鼻哥 d 鼻水都係眼淚 o黎 o既！

2008-05-31 15:30:24 補充：
點解「冬瓜豆腐」代表唔吉利？
因為以前 d 人拜祭遊魂野鬼時係會用冬瓜同豆腐呢兩樣食物，所以之後就變 o左用 o黎形容唔吉利 o既事喇！

2008-05-31 15:33:20 補充：
麻雀「中」「發」「白」係代表乜 o野呢？
紅中＝中狀元
發財＝發財
白板＝清廉 o既官員

2008-05-31 15:33:43 補充：
點解魚死 o左之後個肚會向上 o既呢？
因為魚死 o左之後就會冇自制能力，d 氧氣就會充晒 o係魚鰾度，而魚 o既背脊就會重 o左，因此魚死 o左之後就會浮 o係水面喇！

2008-05-31 15:36:42 補充：
海盜點解要帶眼罩罩住一隻眼呢？
因為海盜日頭戴住眼罩可以遮住 d 陽光，令眼睛感光度高 d，對微弱 o既光都會敏感 d
，o係夜晚航行時睇 o野就會清楚 d 喇！

2008-05-31 15:37:00 補充：
自助餐係點黎既呢？
o係 8-11世紀，d 海盜為 o左炫耀打劫之後 o既收穫，就會將 d 食物同寶物晒 o係一
張長度同部下分享，自此自助餐就係咁演變出黎喇！

2008-05-31 15:37:17 補充：
點解俾老細降職會叫做燉冬菇呢？
因為香港初時警察頂帽成個冬菇咁，當 d CID 被降職做返軍裝時，又要戴返頂冬菇帽，所以 d 人就會笑佢返去"燉冬菇"喇 ！

2008-05-31 15:37:34 補充：
點解烏蠅成日都會搓自己隻腳呢？
因為烏蠅 o既味蕾生 o係腳度，而佢 o地成日飛 o黎飛去有好多污糟 o野阻住d味蕾，所
以佢 o地要捽走 d 污糟 o野喇！

2008-05-31 15:38:04 補充：
點解醫院清潔要用漂白水而唔用消毒藥水呢？
為漂白水除 o左可以殺細菌之外，仲可以殺病毒，而消毒藥水只可以殺細菌，所以就一定用漂白水喇！

2008-05-31 15:38:21 補充：
點解人屙尿會打尿陣？
因為人屙 o左尿出黎，冇 o左篤尿去暖住個肚身體就會凍一凍 ，所以就會打尿陣喇 ！

2008-05-31 15:45:28 補充：
點解俾老細遲退會叫做炒魷魚呢？
因為煎魷魚時候會捲埋，咁以前 d 人俾老細炒就會執包袱，就用一塊布捲住晒 d 衣服同財物，個行為就好似魷魚 o係個鑊度捲埋咁， 所以到而家都係叫炒魷魚喇 ！

2008-05-31 15:45:46 補充：
點解有實力o 既股票叫做藍籌股呢？
因為 o係賭場上最大 o既籌碼係藍色，係一 d 好有實力 o既人先可以換到；因此用黎比
喻有實力 o既人買 o既股票係有實力 ！

2008-05-31 15:46:12 補充：
哈密瓜係點o黎o既呢？
相傳二百年前，哈密王曾將他管轄下的鄯善出產的甜瓜，當作「貢品」獻給清朝宮廷。乾隆皇帝吃了這種甘美異常的甜瓜之後 ，非常高興，就問身邊的大臣呢 Ｄ 係咩瓜，大臣們不知其具體產地，只知道是哈密王所獻，所以就叫做哈密瓜喇 ！

2008-05-31 15:46:35 補充：
茄喱啡點解叫茄喱啡呢？
因為以前 o既臨時演員食飯只得兩種擇： 一係茄蛋飯；二係咖喱牛腩飯同凍咖啡 ，所以就叫茄喱啡喇！

2008-05-31 15:46:53 補充：
點解會有伴郎同伴娘呢？
o係古羅馬時代結婚 o既多數係有錢人，為怕行婚禮時被人殺害打劫，咁就會請D保鏢著埋差唔多 o既衫，擾亂視聽，o個 2 個保鏢就演變成伴郎同伴娘喇！

2008-05-31 15:47:08 補充：
點解醫生手術袍係綠色？
1/容易分別 D 血；
2/ 因為做手術時間長，綠色係養眼 D ！

2008-05-31 15:47:23 補充：
點解埃及 D 屋咁矮呢？
因為政府係逐層收稅， D 屋愈高就會愈貴喇 ！

2008-05-31 15:47:33 補充：
點解(目訓)覺要用枕頭呢？
因為如果唔枕高 D 個頭， D 血就會積住個腦到而危害身體！

2008-05-31 15:47:47 補充：
高跟鞋點 o黎？
係o係15世紀意大利一名鞋匠發明o既！因為佢怕老婆偷偷地出去鬼混，就整隻行路好嘈 o既鞋俾老婆等老婆走去邊都知！

2008-05-31 15:49:27 補充：
點解唔著 d 人會數綿羊， 而唔數牛數豬呢？
因為英文 o既羊（sheep）同 sleep 差唔多音，咁 d 人數 sheep 就易 d sleep 喇！

2008-05-31 15:49:41 補充：
「八婆」點解會叫「八婆」，而唔叫「九婆」「十婆」呢？
因為 o係明代 d 婦人好迷信，成日掛 d 八卦鏡 o係屋企癖邪，加上佢地 d 服飾好鐘意
著到八卦咁樣，而這些婦人又無所事事，好管閒事，所以就叫 d 女人做八婆喇！

2008-05-31 15:49:52 補充：
點解心臟唔會生癌呢？
因為心臟唔會增值，而第二 d 器官如果受o 左傷就會復完，心臟就唔會！

2008-05-31 15:50:14 補充：
點解 Korea 亦都可以寫作 Corea 呢？
因為以前日本統治過韓國，咁以前韓國英文係 Corea，而日本英文係 Japan， 日本唔想Korea 個 C 排名前過 個 J， 所以日本就將 C 改造成 K 喇！而讀音係維持不變！

2008-05-31 15:50:56 補充：
郵票旁邊點解會有窿窿??
以前有個人想用郵票但冇帶剪刀 ，於是用牙簽係咁篤 d 窿再搣出 o 黎所以佢就發明o
左有窿 o既郵票方便人搣喇！

2008-05-31 15:51:11 補充：
美軍 o既另一個名稱叫 G.I. 究竟 G.I. 即係乜 o野？
Government Issue
Galvanized Iron( 網上聽眾提供)

2008-05-31 15:51:19 補充：
菜式<< 生死戀>>即係咩材料做 ?
鯇魚蒸咸魚

2008-05-31 15:51:25 補充：
賽螃蟹係用蛋白做，咁賽熊掌係用咩做呢？
牛根蹄

2008-05-31 15:51:40 補充：
豬肝點解又叫「豬潤」呢？
人認為豬肝 (乾) 唔吉利，所以用佢 o既相反同諧音叫「豬潤」喇！

2008-05-31 15:51:55 補充：
雞點解又叫做「德禽」呢？
因為古人認為雞有 5德:
1/ 頭戴五冠，有文德；
2/ 腳有利爪，有武德；
3/ 敵人在前，就去搏鬥，有勇德；
4/ 見到大量食物，呼叫同伴來分享，有仁德；
5/ 守夜不失，準時報曉，是信德。
所以就叫「德禽」喇！！
P.S. 因此中國人以前初一係唔會食雞的。

2008-05-31 15:53:21 補充：
豹點解追捕佢 o既獵物一分鐘之後就放棄呢？
因為豹 o既心肺功能比人類大十幾倍，如果佢全速跑超過一分鐘 o既話，豹 o既體溫就會狂升兼腦充血，繼而會令佢死亡！

2008-05-31 15:53:37 補充：
「十月芥菜」一詞點 o黎？
因為十月芥菜 o既心比較凍，凍心、凍心 ...... 久而久之「凍心」講成「動心」，用 o
黎形容女仔對男仔動心所以就叫「十月芥菜」喇！

2008-05-31 15:53:56 補充：
熱狗係點黎o既呢？
以前有一個賣香腸 o既小販，因為唔想 D 顧客熱親對手，就借 D 手套俾d 顧客，但係 D客成日都唔還手套，搞到佢蝕本 ； 於是佢就諗到用麵包包住 D 香腸賣喇！

2008-05-31 15:54:15 補充：
Lego 係點o黎？
1910年，Lego o既創辦人本來係想開公司起屋o既，點知o係1930年經濟大衰退,冇人有錢起屋，但係玩具模型屋就大受歡迎，所以佢就索性 賣玩具屋喇！

2008-05-31 15:56:52 補充：
人身體邊個部位o係興奮時會漲大7倍？
瞳孔

2008-05-31 15:57:06 補充：
「大富翁」點o黎？
當時美國經濟大蕭條，一個美國人為o左想D窮人可以懷勉以前D好日子，於是就發明o左「大富翁」遊戲出o黎，比佢o地沉醉o係富貴當中。

2008-05-31 15:57:21 補充：
乜東東個「東東」點o黎？
相傳以前怪獸o黎搗亂，D人唔知佢係乜o黎，只係知佢係o係東邊走過o黎，所以就叫佢做「乜東東」。