我住大廈, 有一個車位. 我想問: 我可唔可以單獨將車位出售嗎 ?

首先要睇吓你個車位o係大業主賣出時有冇分到 一啲‘不分割份數’(undivided share(s)) 比個車位,你唔sure可做一個單單係你個車位o既田土廳查察,睇吓上面‘所佔地段份數’有冇寫到個份數,如果冇,你就唔
可以單獨將車位出售。

如果有分到 一啲‘不分割份數’,咁你就除咗check 吓份大廈公契有冇限制個車位要連同單位一齊賣或車位只可賣比其他單位業主之外,你都要check 吓政府批地書有冇類似o既限制。如果有呢啲咁o既限制,你係賣唔到o既,因為咁樣賣出o既話就係違反大廈公契或政府批地書
o既行為,係會影響業權o既,買方有權唔買,取消買賣(俗稱踢契)。

所以只要你個車位有分到 一啲‘不分割份數’而且大廈公契同政府批地書都冇上述o既限制,你就可以單獨將車位出售。

另外,關於分契問題,如果你個車位o係同你個單位一齊買入,寫埋同一份樓契o既話,你記得o係 臨時買賣合約上面註明分契費用由買方負責喎!

只要車位是有獨立契便可.
但要注意,當時購入時,是否與單位同一張買賣合約,若是,便要分契.
另外留意大廈公契可否將車位售予沒有大廈業權的人或公司,否則,隨時被踢契.

梗系可以啦··只要有人需要就可以卖啊