有關強積金問題!我月薪6千,我要供%5,僱主供%5,但我老闆話要係我人工扣,咁得唔得?

以你的情況(每月原本有6,000元薪金), 根據法例規定, 僱主會响你每月的糧扣起300元作為你自己嗰部份的強積金供款(所以你每月出糧時, 只會得到5,700元) , 而你的僱主另外也要幫你出300元作為強積金供款, 換句話說, 你每月於強積金戶口共供款600元, 所以你的概念是沒錯的.
如果我係你, 我會這樣做 :
1. 首先我會攪清楚自己有冇聽錯或收錯僱主的意思(自已300元及僱主所供的300元, 合共600元全數由自己份糧扣起)
2. 若你真的沒攪錯, 如題所述, 而佢又話"你可以唔供添", 佢呢句說話, 我只想到兩個解釋:
a. 佢意思可能係, 佢可把你原本要自己供的300元強積金供款, 佢唔會响份糧扣起你, 佢會照出6,000元給你, 但佢亦唔會另外幫你供僱主嗰部份的300元供款, 好似一家便宜兩家著咁(當然這樣是不合法啦!)
b. 佢意思可能係, 你可以唔做呢份工
3. 若僱主堅持他的做法, 你當然可舉報他, 但.....你攪到咁彊, 你要預咗可能會, 冇咗呢份工, 或者你即使可留响度做, 日子都未必好過, 所以如果我係你, 我會解釋俾佢知, 你清楚現在的法例是應該如何如何, 若佢仍堅持佢不合法嗰套, 我會選擇唔做, 因為呢d咁諗縮數的老闆, 你同佢打工, 日後都唔會開心
圖片參考：http://tw.yimg.com/i/tw/ugc/rte/smiley_2.gif

以上純粹個人意見
至於"另外你想知,財政師話強積金戶口低既人,佢會入錢入去,咁如果我選擇唔供,,咁即係冇強積金戶口,,咁係咪即係冇財爺既果筆錢呀"?
以我所知, 財爺講果筆錢, 係指响之前的財政年度而嗰d人的收入是在他所說的金額以內, 才會有錢入返俾佢地, 所以你岩岩返工, 係唔會有嗰筆錢收呀!
你也可參考 http://www.labour.gov.hk/faq/content.htm
希望幫到你 !
圖片參考：http://tw.yimg.com/i/tw/ugc/rte/smiley_3.gif

照你所說，所有供款都是你供了，立即同僱主講有錯，你應該出$5,700.00的糧才對，不是$5,400.00，強積金戶口的供款應該是你$300.00，僱主$300.00，合共$600.00，如果僱主不更正的話，請去強積金投訴及查詢，希望幫到你

根據法例,你老闆只可以係你既人工扣除僱員相關供款既部份.....以你既收入......會係 hk$ 300....
佢冇權係你人工扣除僱主既部份...
我建議你同佢傾下....因為佢已經犯法.....如果佢吾肯聽....你可以去勞工處and職金局投訴....

話明僱主供5%, 有咩可能要係你份糧扣埋丫!

如果係咁既話, 當自僱人士都得啦 !

你老闆咁樣對你, 我諗你都要好好考慮清楚好唔好繼續係呢間公司做了 !