暑假去玩,想租度假屋

1) 你無講去長洲定大嶼山或南x島, 仲要睇你住邊, 當然方便嘅會貴小小喇, 同埋你無講要大定細屋, 又無講係咪星期六日, 如果想平, 十個人租間六個人房咪可以平d, 但係唔知你地會唔會咁, 因為我以前同班同學去都係咁, 最勁試過租四人房, 但係十個人訓架.

當你租十個人房, 長洲近碼頭會貴d, 平日約五至六百蚊一晚, 無煮食, 如果係住東堤, 三百零都應該有, 仲會大好多同埋有得煮食, 假日加約1-2百蚊一晚.

如你租三日兩夜會平d, 因為可以講價, 平1-2百蚊無問題.

未夠18歲都可以訂, 我中學都係咁去.

推介都係去返信和度訂喇, 有相睇, 唔好諗住好靚, 有個地方訓架咋, 影出黎已唔係特別好, 你諗住睇到嘅一定已經好過實際.
長洲嘅屋比大嶼山嘅細, 但係就方便, 一出碼頭咩都有, 大嶼山嘅屋靚同大d, 一定有得煮飯仔, 但係要碼頭再轉車入, 無咁方便.