投影機可唔可以用黎看電視台@@? ex:TVB,,亞視

投影機係可以用來睇TVB,亞視的,無論高清或者標清都得,好多酒樓都有咁做.
投影機除咗冇內置tuner,唔可以直接用天線輸入訊號外,基本上電視有既視像訊號輸入佢都有.
要將電視廣播的訊號變成投影機可以睇到的訊號有兩個方法.數碼廣播的話就可以用機頂盒.模擬廣播的話就可以用錄影機.然後就視乎投影機同機頂盒/錄影機有甚麼輸出/輸入揀隻最好既連接.
最好規格依次係HDMI,色差,S-video,AV線.
另外就係出聲既問題,一般投影機都只有畫面輸出,冇喇叭的.就算有都係要來做演講應下急.因為畫面在前面,聲音就喺你側邊或者上面出係好怪的.所以要另外搵Hi Fi出聲.數碼廣播的話可以接HDMI,光纖或者紅白線去你既Hi Fi,模擬廣播就咁接紅白線就得.