有左14週啦,但病左..點算好呀

我有左BB既時候都係夜晚咳
不過就唔係好勁 又驚D藥影響到BB 所以連醫生都冇睇
媽咪教左我幾個方法 結果真係好快好番
1. 一定要睡眠充足 (可以既話訓足12個鐘)
2. 飲好多好多暖水
3. 每日都要食一個橙(不可以凍的!!)
4. 如果喉嚨有痕痕既感覺 試下沖D鹽水浪口 早晚各一次 (有非知都得架 唔好搽非知膏)
5. 保持個人開朗

但係如果真係咳到上氣唔接下氣 用晒以上既方法都唔得
就真係要睇醫生同食藥喇
如果係有左BB 醫生比D份量小好多既藥你 通常都係會眼訓既藥
食左就訓(唔使番工既話)
仲要準時食藥 唔好擔心咁多!!
一定會好快好番既~~ ^^

我有咗ｂｂ初期都常常病的，又係好似你咁睇幾個醫生都唔好！醫生最多都係話，唯有增強本身抵抗力，鬼唔知咩！有時自己病得咁辛苦，醫生開藥又幫唔到自己，又驚對ｂｂ有影響，這種心情我都好明白，難聽ｄ講句，真係要等個病慢慢吽好，自己可以做既就係保持心情開朗ｄ，盡量唔好俾自己既情緒影響到ｂｂ．一定會捱過的！我陀ｂｂ時起碼病過５次，現在已經３８週啦！ｂｂ健康正常，仲好活潑ｔｉｍ！醫生開俾大肚婆既藥係輕手ｄ嫁ｌａ！真係要等佢慢慢好！唔好怕ｄ藥影響到ｂｂ而唔食！希望你個病快ｄ好，同生個健康既小寶寶！　

咳有好多成因，可以是氣管炎，可以是喉嚨發炎，可以是傷風流鼻水引致咳，
有bb好應該要睇醫生，呢個唔得睇過第二個囉！
唔好唔理或者亂食成藥，因為喉嚨發炎可以引致好多並發症，例如急性腎炎！！！
更加唔好食中藥，會引致bb發育不全，要小心d