a350@鏡頭

嗰兩支kit lens最大好處就係平同埋做到個焦距,但係就真係得咁多.用料差,光圈細,光學質素麻麻.好彩Sony有機身防震,如果唔係真係好難買得落手.
如果未用過單鏡機當係用來學習下都好既,如果都有啲要求最好就買第二啲鏡.
至於兩支鏡既用途係
18-70mm係常用鏡,用來影下風景呀,生活照呀等等.
55-200mm就俾你影一啲較遠既嘢既特寫,例如有個人你走唔到埋佢身邊又想將佢影得比較大時就要用.
除咗原廠鏡外,Tamron同埋Sigma都有做鏡頭俾Sony用的,只要買既時候係買翻Sony Alpha mount就用到.
如果俾我揀,我會買Tamron 17-50mm f2.8代替支套裝支18-70mm,雖然焦距短咗小小,鏡身又重啲,但光學質素好,恆定大光圈,金屬 mount.配合埋Sony機身防震,好多題材都應付到,但價錢就要成$2780.
至於長焦距鏡頭,由於好既鏡頭都比較貴同埋有重量考慮,建議你用熟咗支短鏡先然後先決定係想要輕便定係要功能同質素.
我自己取向係70-200mm f2.8嗰啲大光圈鏡頭,唔怕重,最緊要影到,不過未必啱你.
以下網頁有鏡頭測試.
http://www.photozone.de/Reviews/overview
以下網頁有鏡頭價錢
http://www.ygdragon.net/
講開又講,其實我覺得A350過於崔谷像素,搞到連拍慢咗,雜訊控制也比像素較小的A300差.我會建議買A300多啲.不過可惜A300係冇淨機身賣的,一定要買埋支18-70mm鏡.如果你諗住都係平平地玩下,會買埋套裝鏡的話,我建議你買A300好啲.


2008-05-31 16:51:07 補充：
如果係Canon 450D或者Nikon D60,我都會建議你買佢地佢地既Kit lens.因為佢地光學質素其實真係都唔錯,可以叫做sharp.但係Sony支18-70mm就真係只得個平字,如果你睇翻我講既鏡頭測試網站.會發覺佢既評價都係好差.解像度方面中心還可以,邊位跌得好快,尤其係長焦距時,連中央都跌埋.
另外支鏡有好嚴重色散問題,係其他牌子冇的.

2008-05-31 16:51:25 補充：
Tamron A16除咗光學質素較好之外,最有價值係恆定大光圈,幫助在長焦距時確保安全快門.Kit lens雖然焦距長,但係一zoom遠光圈就變細,偏偏長焦距又好需要更高安全快門.好多時低光手持就係差小小.而且大光圈仲可以有小小淺景深玩,A16賣$2780我覺得一啲都唔貴,咁既規格如果Canon或者Nikon出肯定要四五千蚊.
至於長焦距方面,Sony 55-200mm對焦可能真係比副廠70-300mm快小小,話晒焦距短啲,不過又細光圈,又冇超聲波對焦,應該都係海軍鬥水兵,唔差幾.

2008-05-31 16:51:39 補充：
但係放大率就一定係副廠勁得多.無論Sigma 70-300mm f4-5.6 DG Macro定係Tamron 70-300mm f4-5.6 Di LD Macro都以 Macro為賣點,放大率達到1:2.Sony 55-200mm既最近對焦距離雖同樣係0.95m,但佢係200mm,副廠係300mm,所以佢放大率一定比較細.
總結係兩支kit lens貪平買套裝都仲可以,分開買就一定唔買.

2008-05-31 17:43:57 補充：
冇錯Minolta鏡頭都可以用,但由於已經停產,新貨都只係得翻啲貨尾,最好預咗會買唔到,有可能要搵二手貨.

冇記錯sony既alpha係用minota既m mount,
所以除左副廠鏡可以揀之外,
仲可以睇埋minota既鏡頭.

論普及唔及N記同C記, 所以叫我推薦人買Alpha就多少有o的猶豫.
而且論技術感覺上SONY將相機睇成影音器材而唔係攝器材.

不過, 以一個初入門既人黎講, 其實部部機都唔差得好遠,
所以問題又返去原點:
你究竟打算投入幾多資金?

如果唔多既, sony本身都唔會有大問題.

返去兩支kit. 對一個由DC升級去DSLR, 又唔打算完全投入既人黎講,
一支Wide zoom會比standard 好,
如果配既係支standard, 可能你會覺得部機仲衰過你部DC.

睇埋支 18-70mm果支, 佢會適合你一般生活相用.

如果你打算慢慢學攝就另計.



2008-06-01 11:16:56 補充：
竟然冇人發覺我搞錯野......

我都認為a300對新手及自用比較適合，因為1400萬像素影靜態產品就好，實用性則以1000萬像較好，相機之反應及電腦處理亦較有效。
sony之dt1870 kit鏡(標準鏡)，標價為$1590，與副廠鏡之$1300級鏡相約(你要相信一分錢、一分貨)，此鏡在同級中算銳利，而且自動對焦亦快。樓上所指之tamron a16鏡，是很多人選擇之絕配，我都認為比較好，但與kit鏡比較，足足貴了$2000，因kit鏡只用$1590之半價(即$800)。在單鏡相機世界，素量好些少，但價錢可以貴幾倍，這是新手必須要注意，同時量力而為。
另外支kit鏡為中距鏡/長鏡，以前支75-300mm就是長鏡，定價為$2190，與副廠$1700鏡相約。但現在好像轉了用55-200mm中距鏡，定價為$2080。以兩支鏡比較，55-200mm應較75-300mm好，對焦比較快，亦有較大放大率。
新手選雙鏡套裝較合適，因你可以以半價買鏡，同時學習長鏡與標準鏡之用方法，可以用1、2年才考慮其他鏡頭。有要求者才應選擇tamron a16，甚至蔡鏡或G鏡。
標準鏡即日常用鏡，很多情況都可使用。長鏡就是要拍攝長距離之目標，打雀及影人像都會用到。