新工的煩惱

我會認為多一事不如少一事，呢個星期當放假，你無啦啦同人講要早一個禮拜返工，俾人地多一個話題喺背後討論你，而且多數唔係好野，作為一個連工都未返嘅新人，開頭印象好重要，冇謂搞咁多野。
我未聽過簽左contract都會反口，未簽contrac而反口就聽朋友說過，但呢啲例子絕無謹有，就算係細公司，都極少出現，大公司更加冇可能咁一時一樣，所以你都係唔好諗咁多野，玩埋呢幾日，到嗰日準時返工先係正經。
你要驚嘅係你過唔過到試用期，因為近呢十年來，啲公司唔似得八十年代、九十年代初咁，會容許新人慢慢學野；而家係新人一有啲跟唔上，就即炒請過第二個，你驚呢樣好過。