有關嫁女的問題

***先擇個吉時上頭，通常係新郎上完頭，再打電話通知女家新娘可以開始上頭儀式。總之新娘一定要遲過新郎上頭！
上頭前，
>>新娘要先用碌柚葉沖涼
>>之後換上一套全新既睡衣，睡衣袋裏放少少扁柏
>>將啲生果、龍鳳對餅、京果、鏡、針線先放响枱上面
>>然後拜當天 & 祖先
>>你自己 / 好命婆 (總之係幫你嗰女上頭嗰個人)點起清香 & 一對龍鳳燭
>>之後就開始上頭 (一路梳頭，一路講一梳梳到尾.......)
>>梳完，就將條紅線 + 扁柏，搵個髮夾夾上個頭道，直到第二日換婚紗既時候先除落黎！
>>等埋啲香 & 燭燒完
儀式就完畢，好簡單！


好命婆即係(父母 & 老公健在 ，夫妻和睦，有仔有女，有孫仔孫女仲好，不過無孫仔孫女都OK！)

恭賀朋友嫁女

首先，如果你決定你個女要做上頭儀式既話，你就要做曬全套～即係過大禮，擇日擇時辰之類‥

唔好做上頭又唔做埋過大禮（有頭無尾）

傳統係會搵好命婆做, 即係自己雙親健在, 夫妻和睦, 仲有最少1仔1女.

大妗姊都會做. 有好多專業大妗, 一條龍服務.

自己做都得, 如果你唔算係好命婆, 咁通常都會最少自己個家庭和睦, 咁就"老黎"d 囉.

結婚前一晚, 需擇時晨.

可以去傳統結婚店, 有上頭套裝賣, 問吓佢點做啦~