心導管檢查

政府醫院做得 Heart Cath 心導管檢查 就一定唔會淨做檢查咁簡單。因為淨睇個部份 【心導管顯影】已經係通波仔手術 PCI　的第一步。個手術始終係入侵性，有風險，對病人有傷害，佢地認為淨睇係唔值做的。
你如果唔係有個 CT-Angiography 電腦素描 gei 報告話你有個 或 幾個位塞左，就係你的 CK 心肌酵素 好唔惦，加你又成日話：心口壓住痛，頭暈，行陣都氣喘。而且血壓又高、膽固醇又高 ，令佢地覺得你 心肌梗塞 Heart Attack 機會奇高 gei 話，佢地都唔會比你做 Heart Cath。
我點知？我都係係馬嘉烈做 PCI 通波仔架o羅。
1.要唔要留醫？是否做完可以走？要留係 心臟深切治療部 CCU 觀察一晚。早上醫生 check 過無事，而你又唔使較 薄血丸 Warfarin 的話，你就走得。
2.使唔使叫家人陪同？最好有啦！萬一出事都即刻有人簽紙做其他緊急救命手術。唔使驚！手術出事率係每一佰人中有 0.94 個人出事啫。香港好野過美國好多，美國係 1%架。
3.如果發現有血管阻塞，醫生會唔會即刻做埋通波仔手術？會即刻做埋通波仔手術。重會叫埋你家人入去睇電視，話佢知邊度塞左，要通。
4.好似做通波仔手術要準備幾萬蚊費用，是否真的？當然係真的。除非你係政府公務員或其家屬。訂金七萬，比左先 有手術做。條導管約一萬，普通支架就萬二一隻，滲藥支架就二萬四一隻。手術費唔收。支架用一隻計一隻。費用係訂金度減。

2008-05-30 22:45:54 補充：
係私家醫院做，如九龍法國，似一隻支架計，約十萬。
政府一隻普通支架，三萬樓下啦。