✔ 最佳答案
腳毛多少是否遺傳呢... 一半一半啦.
因為, 其實最直接影響腳毛 / 全身體毛既第一個原因應該係性荷爾蒙. 遺傳會相當程度決定一個人既荷爾蒙水平, 但不能完全支配. 所以, 腳毛多少係不一定由遺傳決定.
人既一生, 幼年時腳毛非常不顯眼, 係要到青春期, 性荷爾蒙出現, 先明顯地長腳毛. 女生比較不顯眼, 男生比較顯眼, 就係男性荷爾蒙主導體毛既生長. 亦因此有d女士係更年期過後 [大約50歲], 女性荷爾蒙下降, 男性荷爾蒙多左, 某些女士什至會出現類似鬍鬚既面毛. 用補充女性荷爾蒙方法可以減少呢d面毛/腳毛問題.
另一個例子係變性人, 長期服用女性荷爾蒙既男士, 腳毛會逐漸稀少. 而沒有睪丸的男士 [東方不敗??] 宦官等, 都會冇鬍鬚同腳毛稀少.
第二個原因, 就係刀片對皮膚既刺激. 用刀片剃毛, 會刺激到腳毛愈長愈粗, 愈長. 所以, 想有濃密既長鬍鬚, 首先要勤剃剃鬚. 唔想生腳毛, 就更加唔應該剃腳毛! 應該用其他方法脫毛, 就算再長出來既腳毛都唔變長變粗.
參考: 自家意見, 歡迎批評指正.