想請個鐘點女傭唔知去邊度搵人 ?

你可以去勞工處到搵，呢個網頁亦有寫明僱主須知
http://www.jobs.gov.hk/big5/default.aspx

或者明愛都有
http://www.caritas.org.hk/swsd/se/sechi.htm#家務助理服務

我屋企o個個係六、七年前透過明愛搵既，佢地好多都係讀完d再培訓課程出黎。我最初搵o個一兩個好唔得，一個做完仲要執手尾，另一個仲衰，燙燙下衫話要湊仔放學走左去，咁我地就叫明愛換過另一個。

而家呢個唔係話做得好好，但手腳好乾淨，又咩都肯做，試過我公公婆婆忽然大便失禁，好彩o個日佢有黎，好主動咁幫我地抹地，仲幫我亞婆抹身。我地同佢關係好好，所以俾埋屋企鎖匙佢，如果我地o個日無人o係屋企，佢就會自己上黎，咩都做好晒。

最初我地俾$50一個鐘加車錢買餸錢，$50係當年公價，去年開始我地加到$65俾佢，雖然佢猛話唔駛，但我地覺得值得加俾佢既。

我屋企要求唔係好高，所以我覺得乾淨程度同煮餸味道合格就得，反而最重要係佢態度同手腳乾唔乾淨。好多時佢地黎做野既時候屋企都係無人既，所以有一定程度既risk，如果有人介紹就最好，如果無就最初幾次一定要有人o係屋企，之後先慢慢俾鎖匙佢自己黎。

2008-05-31 17:53:24 補充：
或者你先試下頭幾次放假睇睇，放心先俾佢自己上你屋企啦

其實 仁愛堂--樂鄰服務都幫到你 收費唔貴及有人幫你跟進.

因我而家用緊,他們的家務助理細心,做足鐘,又唔會拖長嚟做,好

2479 2299 係仁愛堂 自己請的員工