有冇人可以幫我呀><(20點)

我係女,有個女仔(暫且叩呀a),我同佢係好朋友,當時佢唔知我係les(但係應該估到),我地都已經好fd,會拖手,係camp一齊訓過,一齊行沙灘(兩個人)

原先諗住去camp同佢示愛,但係之後覺得自己唔係真係鍾意佢,只係好感,加上個時冇膽,所以冇同佢講到

去完camp之後佢問我係咪les,我話:"我對les唔反感...我鍾意女仔多d..."(姐係應左)

但係佢知我係les之後我地冇疏遠到,反而仲好左,而且...仲有 d 噯昧,好似拍拖咁...
例如:就算一大班人出去,佢都會拖我(十字緊扣個隻)
唱K個時死都要坐我隔離,又要拉我同佢唱合唱歌
有時我地會講電話講到凌晨
我話想買錶佢又話鍾意,話到時一人一隻(咁咪姐係一對= =)
我地約好今個暑假兩個人去旅行
(但係我一d抗拒都冇)

係camp個時,得我地兩個人,我同佢傾計,我叫佢搵人拍拖,佢話:"我都唔鍾意男仔既",隔左一陣佢又話:"不過我都唔鍾意女仔喎"

佢咁講,其實有咩意思?
我到底係咪鍾意佢?
佢點諗?

p.s其實我仲鍾意第二個女仔(呀b),我地好耐冇見,以為對佢咩feel都冇,但係個日當我拖住呀a個時比我見到呀b,個時我呆左,我先知原來我仲好鍾意呀b,但係我知我地一定冇可能,如果我仲掛住呀b,根本冇可能鍾意呀a!

有冇人可以教你我應該點做,好煩呀!